|
Formula kiritish va uni tahrirlash
|
| bet | 61/180 | | Sana | 16.01.2024 | | Hajmi | 7 Mb. | | #138583 |
Bog'liq Tashqi sarlavha (1)2. Formula kiritish va uni tahrirlash.
Katakka formula kiritishda avvalo tenglik (=) belgisi qo`yilishi shart. Bu belgi qo`yilisa, u holda katakda formula kiritilganligini anglatadi. Bu belgidan so`ng kerakli formula yoziladi. Agar formula yozilishida biror katakka jurojat qilinishi kerak bo`lsa, u holda uning manzili yoziladi.
Formula yozish [Enter] tugmasini yoki formulalar satridagi [Ввод] tugamasini bosish bilan yakunlanadi. Agar katakda formula mavjud bo`lsa, u holda katakda uning faqat natijasi hosil bo`ladi, formula formulalar satrida namoyish etiladi.
Formulalani tahrirlash uchun u joylashgan katakda sichqoncha tugmasini ikki marta bosish kerak. Yoki formula joylashgan katak faollashtirilib, formulalar satrida tahrirlash mumkin. Tahrirlashni bekor qilish uchun l;aviaturadan [Esc] yoki formulalar satridagi [Отмена] tugmasini bosish kerak.
Formulalarda foydalaniladigan amallar va ularning ustuvorligi. Formulalarda faqat ba’zi amalalarni bajarish mumkin: diapazonni ko`rsatish, manfiy sonlar, foizlar, matematik va taqqoslash amallari. Bu keltirilgan amallarning operatorlari ustuvorliklari kamayishi tartibida quyida keltirilgan:
Bog`lanish operatorlari:
: diapazon (boshlang`ich qiymatdan to oxirgi qiymatgacha);
; birlashtiruv (birinchi, ikkinchi, uchinchi va boshqa qiymatlarni).
Belgi operatorlari:
% berilganlarni foizlarda ifodalash.
Matematik operatorlar:
^ darajaga oshirish;
* ko`paytirish;
/ bo`lish;
+ qo`shish;
ayirish.
Munosabat operatorlari:
<> teng emas;
<= kichik yoki teng;
>= katta yoki teng;
= tenglik;
< kichik;
> katta.
Amallar bajarilish ustuvorligida avvalo qavs ichidagi amallar bajariladi. Shunday qilib, umuman olganda Excel da ifodalar matematik qoidalarga asoslangan.
Avtoyig`indi. Eng ko`p tarqalgan amallardan biri bu bir necha katakdagi qiymatlarning yig`inidisini hisoblashdir. Excel da buning uchun oddiy usul mavjud. Yig`indi qiymati joylashtirilishi kerak bo`lgan katak faollashtirilib, so`ngra Стандартная uskunalar panelidagi [Автосумма] tugmasini bosish kerak. Natijada ekranda yig`indi hisoblanayotgan kataklarning barchasi shtirixli ramka bilan ajratiladi. Agar ajratilgan soha foydalanuvchini qanoatlantirsa, u holda [Enter] kerak. Agar qanoatlantirmasa – u holda sichqoncha yordamida kerakli kataklar ajratiladi.
|
| |
