|
Toshkent Moliya Instituti Sirtqi fakulteti 4-kurs sbi-56 guruh talabasi Egamqulova Nigora Narzullaevnaning
|
| bet | 1/5 | | Sana | 24.05.2023 | | Hajmi | 171.26 Kb. | | #63980 |
Bog'liq Bank hisobi,tahlili va audit Egamqulova N Elektronika, Oliy ta\'lim, BOOK CLIL-compress0, Durdona kurs ishi, YUQORI JAG’ O’TKIR OSTEOMIELITI VA ATROFIDAGI RIVOJLANGAN ABSESS VA FLEGMONALARI, 1, Shaxs sotsiologiyasi. Ijtimoiy nazorati va ijtimoiy og’ishlar-fayllar.org, Menejmentning nazariy asoslari, Meliqo\'ziyev Sh writing 7,5
Toshkent Moliya Instituti Sirtqi fakulteti
4-kurs SBI-56 guruh talabasi
Egamqulova Nigora Narzullaevnaning
Bank hisobi ,tahlil va audit fanidan
Mustaqil ishi
Tekshirdi:Rahimov A
Mavzu: Qisqa muddatli ssuda operatsiyalarining hisobi
Kredit olish uchun bankda har bir kredit bo‘yicha alohida ssuda hisobvarag‘i ochiladi. Mijoz kredit olish uchun bankga belgilangan tartibda hujjatlar paketini rasmiylashtirib topshiradi. Kredit komissiyasining qaroriga ko‘ra kredit berish lozim deb topilsa, bank va kredit oluvchi o‘rtasida kredit shartnomasi tuziladi. Kredit shartnomasida kreditning nima maqsadda olinishi, muddati, summasi, qaytarilish tartibi, kredit uchun to‘lovlar, tomonlarning majburiyatlari, javobgarligi, boshqa shartlar ko‘rsatiladi.
Kredit bo‘limining farmoyishiga ko‘ra, hisob operatsion bo‘limida kredit oluvchi korxonaga ssuda hisobvarag‘i ochiladi. Qaysi turdagi xo‘jalik yurituvchi subyektligiga qarab tegishli balans hisobvarag‘i bo‘yicha kredit hisobvarag‘i ochiladi. Masalan: jismoniy shaxslarga 12500, yuridik maqomga ega bo‘lmagan yakka tadbirkorlarga kredit berish uchun 12600 balans hisobvarag‘i bo‘yicha ssuda hisobvarag‘i ochiladi. Davlat korxonalariga kredit berishda esa 12700 balans hisobvarag‘i ochiladi. Kredit hisobvarag‘i ham 20 ta razryaddan iborat bo‘lib, uning ichida kredit olmoqchi bo‘lgan korxonaning xos raqami bo‘lishi lozim. Masalan, mijozga berilgan unikal xos raqam 04952452 bo‘lsa so‘mda berilgan kreditni hisobga olish uchun qarz oluvchi davlat korxonasi ekanligini hisobga olgan holda quyidagi hisobvaraq ochiladi.
12701000K04952452001
Bu hisobvaraqda bank tomonidan davlat korxonalariga berilgan qisqa muddatli kreditlarning hisobi yuritiladi. Hisob raqamining debetida davlat korxonalariga berilgan ssudalar summasi aks ettiriladi. Hisob raqamining kreditida esa qarzdorlar tomonidan qaytarilgan ssudalarning summasi aks ettiriladi. Bu hisobvaraq bo‘yicha analitik hisob har bir qarzdor va kreditlarning turlari bo‘yicha alohida shaxsiy hisobvaraqlarda olib boriladi. Xuddi shunday tartibda boshqa mulkchilik shakllariga tegishli bo‘lgan, qarz olmoqchi bo‘lgan xo‘jalik yurituvchi subyektlarga ssuda hisobvaraqlari ochiladi va ular bo‘yicha kredit berish va qaytarib olish bo‘yicha operasiyalar bajariladi.
|
| |
