|
Oqiwshilardin` xat alisiwi
|
| bet | 67/97 | | Sana | 13.01.2024 | | Hajmi | 450,29 Kb. | | #136582 |
Bog'liq Uliwma pedagogika-fayllar.orgOqiwshilardin` xat alisiwi. Bul negizinde mektepte dosliq klubi ta`repinen
sho`lkemlestiriledi. Oqiwshilar xat alisiw arqali shet ellerde jasawshi doslari menen pikir alisadi.
Olar o`z xatlarinda klasindag`i jetiskenliklerdi awili yamasa qaladag`i o`zgerislerdi xabarlaydi.
Sonin` ushinda oqiwshilardin` xatin-xalqimizdin` turmisi onin` paraxatshiliqqa xa`m basqa
xaliqlar menen doslasiwg`a umtiliwlari xaqqinda xaqiyqat, shin informatsiya beriwdin` tiykari
deymiz.
Aldin`g`i adamlar menen ushirasiw o`tkeriw. Bul oqiwdan tisqari waqitlari o`tkerilip
oqiwshilarda ja`miyetlik siyasiy xa`m a`dep-ikramliq ta`rbiyasin beriwde en` effektiv
formalardin` biri bolip esaplanadi. Ushirasiwga Ulli watandarliq uristin` qatnasiwshisi, miynet
aldin`g`ilari, belgili artistler, jaziwshilar xa`m t.b. qatnasadi. Ushirasiwlar ko`binese bayram
aldinda boladi. Bul ushirasiwlar oqiwshilardi milliy ruxta ta`rbiyalawg`a, miynetti xa`m
adamlarin, ka`sipti xu`rmetlewge u`yretedi. Sonin` menen birge oqiwshilar xa`r qiyli ka`sip
iyeleri menen tanisadi, na`tiyjede bul ushirasiwlar oqiwshi sanasina ta`sir etip olardin` minez-
qulqin o`zgertedi.
Klasstan tis oqiw. Bul oqiwshilardin` o`z betinshe, biraq oqiwshilardin` mug`allimi
ta`repinen sho`lkemlestirilgen a`debiy kitaplardi oqiwi bolip esaplanadi. Klasstan tis oqiw
oqiwshilardi a`debiyatqa qiziqtiradi, olardi oqig`aninin` mazmunin duris tu`siniwge u`yretedi.
Klasstan tis oqiw protsesinde oqiwshilar ta`biyat qubilislari xa`m ja`miyet turmisindag`i
a`xmiyetli waqiyalar menen tanisadi. Mekteplerde klasstan tis oqiwg`a o`z aldina saatta
ajiratiladi. Klasstan tis oqiwg`a pedagogikaliq basshiliq etiw metodi bul mug`allimnin` oqiwshi
menen bolatug`in gu`rrin`i. Bul gu`rrin`de oqilg`an kitap xa`m endi oqiwg`a usinis etiletug`in
kitaplar xaqqinda so`z boladi. Oqiwshilardin` klasstan tis oqiwina mektep kitapxanalarida
ja`rdem beredi. Olar tez-tez jan`a kitaplardi xabarlap turadi, a`debiyatlar dizimin usinadi.
|
| |
