58
II BOB.
ELEKTRON JADVALAR
58
17-dars. MA’LUMOTLARNI TANLASH VA
SARALASH
TAYANCH TUSHUNCHALAR
Ma’lumotlar ombori
–
jadvaldagi turli ma’lumotlar
jamlanmasi.
Jadvaldagi ma’lumotlar bilan ishlash jarayonida ularni
qandaydir shartlar asosida ajratib olish yoki qandaydir
ketma-ketlik asosida tartiblashga to‘g‘ri keladi. Bunday
vazifalarni bajarishda “Сортировка и фильтр”
buyrug‘i imkoniyatlaridan foydalanish tavsiya etiladi.
Elektron jadvalda saralash va tartiblash ishlarini
amalga oshirish uchun jadvaldagi ustun ma’lumotlarini kiritishda quyidagilarga e’tibor berish
lozim:
*
jadvalning har bir ustuni nomlangan, ya’ni sarlavha qo‘yilgan bo‘lishi;
*
barcha ustunlargi ma’lumotlar bitta turda bo‘lishi;
*
bitta satrdagi barcha ma’lumotlar bitta obyektning turli xossalarini ifodalashi.
Tartiblash
– ma’lumotlarni qiymatlari bo‘yicha o‘sish yoki kamayish tartibida joylashtirishdir.
Tartiblash uchun qandaydir ustundagi ma’lumotlar o‘sish yoki kamayish tartibida
joylashtirilganda, ular to‘liq satr bo‘yicha qayta joylashadi. Sonli va vaqtga doir ma’lumotlarni
o‘sish va kamayish tartibida, matnli ma’lumotlarni esa alifbo tartibida yoki teskari alifbo
tartibida joylashtirish mumkin.
Ma’lumotlarni tartiblashni “Главная”, “Данные” menyulari hamda katakning kontekst
menyusi orqali amalga oshirish mumkin:
1) tartiblash uchun kerakli ustunning ixtiyoriy katagi belgilab olinadi;
2) “Главная” – “Сортировка и фильтр” – “Сортировка по возрастанию” yoki
“Сортировка по убыванию” buyruqlari tanlanadi;
3) satrlar tanlangan mezon asosida avtomatik ravishda qayta tartiblanadi.
Bundan tashqari, “Настраиваемая сортировка…” buyrug‘i yordamida tartiblash
parametrlarini o‘zgartirish imkoniyati ham mavjud. Unda bitta ustundagi ma’lumotlarni bir
necha mezonlar asosida tartiblash mumkin.
