| Nəqliyyat prosesi dedikdə daşıma proseslərinin çoxluğu başa düşülür. Həm daşıma, həm də nəqliyyat prosesləri yükün (və ya sərnişinin) bu proseslərə hazırlanmasını tələb edir. Daşıma hesabatlarında hesabat vahidi kimi daşıma prosesinin qəbul edilməsi daha sərfəlidir.
Nəqliyyat prosesi yüklərin yarandığı yerdən başlayıb onların istehlakı yerində qurtaran bir prosesdir. Bütün istehsal prosesləri kimi nəqliyyat prosesi də ardıcıl yerinə yetirilən ayrı ayrı elementlərdən ibarətdir: göndərmə məntəqələrində yüklərin hərəkət tərkibinə yüklənməsi (sərnişinlərin oturdulması); yüklərin və sərnişinlərin göndərmə və təyinat məntəqələri arasında hərəkəti; təyinat məntəqəsində yüklərin boşaldılması (sərnişinlərin düşürdülməsi). Bu göstərilən 3 elementin hər biri öz növbəsində daşımaların hazırlanması, təşkili və yerinə yetirilməsi ilə əlaqədar olan bir sıra əməliyyat və işlərdən ibarətdir.
|
