|
“Yashil iqtisodiyot sari: nazariy va amaliy yondashuvlar tahlili”
Pdf ko'rish
|
| bet | 369/520 | | Sana | 16.05.2024 | | Hajmi | 8,74 Mb. | | #237908 |
Bog'liq 03 04 2024 Yashil iqtisodiyot sari anjuman materiallari to\'plami“Yashil iqtisodiyot sari: nazariy va amaliy yondashuvlar tahlili”
mavzusidagi xalqaro ilmiy-amaliy anjuman
366
тузилса, мазкур субъект томонидан тузилган молиявий ҳисоботларнинг
ишончлилиги ва шаффофлиги ошиб, ички ва ташқи фойдаланувчилар учун
муҳим иқтисодий қарорлар қабул қилиш имконияти янада ошади.
Мажбурий аудиторлик текширувларида ҳам, турдош хизматларни
кўрсатиш жараёнида ҳам ҳисоб сиёсати аудиторлик текширувининг асосий
объекти бўлиши керак. Чунки ҳисоб сиёсатида келтирилган ҳар бир талаб ёки
меъёр молиявий ҳисобот моддаларига бевесита таъсир кўрсатади. Агарда
ҳисоб сиёсати изчиллиги ва қонунийлиги таъминланмаса, унинг
самарадорлиги пасаяди ва молиявий ҳисобот кўрсаткичларининг нотўғри
шаклланишига олиб келади. Шу боисдан ҳам аудиторлик текширувини
режалаштириш босқичида аудит умумий режаси ва дастурини тузишда ҳисоб
сиёсатига оид барча жиҳатлар молиявий ҳисобот элементлари кесимида
муаяйн кетма-кетликда ўз аксини топиши шарт.
Юқорида санаб ўтилган усулларни қўллаш асосида ҳисоб сиёсати
аудитини ўтказишнинг қуйидаги хусусиятлари мавжуд деган фикрга келинди:
ҳисоб сиёсати текширилаётган хўжалик юритувчи субъектда
бухгалтерия ҳисобини ташкил этиш ва молиявий ҳисоботни тузиш учун
асосий ҳужжат эканлиги боис мазкур ҳужжатни ҳар қандай аудиторлик
текширувининг умумий режаси ва дастурининг дастлабки элементи сифатида
қараш зарур;
ҳисоб сиёсати аудитини ўтказишда аудитор нафақат унинг мамлакатда
амал қилиб турган норматив-ҳуқуқий ҳужжатлар талаблари, балки хўжалик
юритувчи субъект тармоқ хусусиятларидан келиб чиққан ҳолда ички идоравий
ҳужжатлар талабларини ҳам инобатга олиши шарт;
ҳисоб сиёсати аудитида тармоқ хусусиятлари ва махсус режим (эркин
иқтисодий зона) шароитлари талаблари ҳам аудиторлик ташкилоти томонидан
баҳоланиши керак;
аудиторлик текширувларида иқтисодий фаолият турлари ҳам атрофлича
кўриб чиқилиши шарт. Одатда, субъект фаолияти операцион, инвестицион ва
молиявий фаолиятга бўлинади. Ҳисоб сиёсати аудитида ҳам молиявий
ҳисобот элементлари бўйича белгиланган талабларнинг мазкур фаолият
турларига таъсири ҳам кўриб чиқилиши лозим.
Юқорида таъкидлаб ўтилган фикрлардан шундай хулоса қилиш
мумкинки, ҳисоб сиёсати аудитида турли методологик ёндашувлар мавжуд
бўлиб, аудиторлик текширувларида улардан қайси бирининг ва қайси вазиятда
қўлланилиши аудиторнинг билими, малакаси ва профессионал мушоҳадасига
бевосита боғлиқдир. Мазкур жиҳатлар ҳисоб сиёсати аудитини тизимли ва
тўғри ташкил этиш имкониятини яратади.
|
| |
