|
Atributivlik pikirlerdi S hám P arasındaġı baylanıstıń sanlı xarakterine, belgisine qaray jeke, ulıwma hám dara (chastnoe) pikirler túrinde úshke bóliwge boladı
|
| bet | 114/191 | | Sana | 14.05.2024 | | Hajmi | 2,75 Mb. | | #230680 |
Bog'liq FILOSOFIYAAtributivlik pikirlerdi S hám P arasındaġı baylanıstıń sanlı xarakterine, belgisine qaray jeke, ulıwma hám dara (chastnoe) pikirler túrinde úshke bóliwge boladı. Jeke pikirde sub`ekt jeke túsinikti beredi (predmettiń predmetler klasına tiyisli yamasa tiyisli emes ekenligi belgilenedi) hám ol «Bul S P boladı» yamasa «Bul S P bolmaydı» degen formulada beriledi. Mısalı, «Franciya - evropalıq mámleket».
Ulıwma (kóplik) pikirde S ulıwma túsinik bolıp (berilgen predmetlerdiń klasınıń predmetler klasına tiyisli yamasa tiyisli emes ekenligi sáwlelendiriledi), «Barlıq S P boladı», «Hesh qanday S P bolmaydı» degen formulada beriledi. Mısalı, «Barlıq guwalar kórsetpeler berdi».
Dara pikir dep berilgen predmetler klasınıń predmetler klasına dara jaġdayda tiyisli bolıwı yamasa tiyisli bolmawı dıqqatqa alınadı. Pikirdiń sub`ekti retinde qandayda bir predmetler klasın bólip alıp qarawġa boladı. Simvolikalıq formulası - «Ayrım S P boladı», «Ayrım S P bolmaydı». Mısalı, «Ayrım jınayatlar xojalıq jınayatları bolıp tabıladı». «Ayrım filosoflar - oratorlar». Ulıwma (kóplik) pikir dara pikirdi de beredi («Ayrım S P boladı», «Ayrım S P bolmaydı»). Mısalı, «Ayrım ilimler gumanitar ilimler emes». Bunda: sub`ekt - ilimler, predikat - gumanitar, baylanıs - emes, al ayrım - kvantor sózi bolıp tabıladı.
Pikirlerdiń durıs yamasa nadurıslıġın anıqlaw ushın atributivlik pikirlerdi sanlıq hám sapalıq kórsetkishin birlestirgen halda klassifikaciyalaw qollanıladı. Bunday klassifikaciyaġa tiykarlanġan halda atributivlik pikirler tómendegi pikirlerge bólinedi:
Ulıwmamaqullawshı pikirler - olarġa birdey waqıtta hám ulıwma hám maqullawshı pikirler kiredi. Olardıń dúzilisi - «Barlıq S P boladı» túrinde beriledi hám olar latın háripi A menen belgilenedi. Mısalı, «Hár bir Adam miynet etiw huquqına iye». berilgen pikir sanlıq kórsetikishi boyınsha ulıwma al sapası boyınsha maqullawshı pikirdi beredi.
Ulıwmabiykarlawshı pikirler - olarġa birdey waqıtta ulıwma hám biykarlawshı pikirler jatadı. Olardıń dúzilisi - «Barlıq S P bolmaydı» túrinde beriledi. Olar latın háripi E menen belgilenedi. Mısalı, «birde kit balıq emes». Bul pikir sanlıq kórsetkishi boyınsha ulıwma, sapalıq kórsetkishi boyınsha biykarlawshı pikirdi ańlatadı.
|
|
Bosh sahifa
Aloqalar
Bosh sahifa
Atributivlik pikirlerdi S hám P arasındaġı baylanıstıń sanlı xarakterine, belgisine qaray jeke, ulıwma hám dara (chastnoe) pikirler túrinde úshke bóliwge boladı
|
