|
I bab. Ekonomikaliq bilimlerdin' payda boliwi
|
| bet | 1/6 | | Sana | 17.05.2024 | | Hajmi | 48,54 Kb. | | #240549 |
Bog'liq KURS TAYIN MAZMUNI
KIRISIW 3
I BAB. EKONOMIKALIQ BILIMLERDIN' PAYDA BOLIWI. 4
1.1.Ekonomikaliq teoriyanin’ pán sipatinda qáliplesiwindegi tiykarg’i ag’imlar. 4
1.2.Ekonomikaliq teoriya pa'ninin' predmeti ha'm waziypalari. 9
II.BAB. ORTA ÁSIRLER FOLOSOFLARINIŃ EKONOMIKALIQ PIKIRLER. 12
II.1.Áyyemgi Aziyadaǵı ekonomikalıq ideyalar. 12
II.2.Arab mámleketlerindegi dáslepki ekonomikalıq ideyalar. 18
III. ORTA AZIYADAĜI DÁSLEPKI HÁM TEMURIYLER DÁWIRNE SHEKEM BOLĜAN EKONOMIKA PIKIRLER. 22
JUWMAQLAW 30
PAYDALANÍLǴAN ÁDEBIYATLAR DIZIMI. 32
internet saytlari 32
KIRISIW
«Ekonomika» so’zi tar mániste insanlar jetistirgen barliq o’nimlerdi, tábiyattag’i barliq bayliqlardi hámde adamlardin’ miynetinen o’nimli paydalaniw degen mánisti bildiredi. Al ken’irek mániste ekonomika, insanlardin’ jasawina, ku’n-ko’rinisine bag’darlang’an xojaliq háreketi bolip, bul háreketler o’ndiristen baslanip, jetistirilgen o’nimlerdi tutiniw menen tamamlanadi. Ekonomika insan háreketinin’ tiykarg’i bo’legi, jámiyetlik turmistin’ fundamenti. Sol sebepli en’ dáslep ekonomika, keyninen siyasat dep aytiladi. Insanlar tiri organizm bolg’anlig’i sebepli, birinshi gezekte onin’ materialliq talaplari qanaatlandiriliwi kerek, bug’an tek g’ana ekonomikaliq is háreketler arqali erisiledi.
Insanlardin’ ekonomikaliq is háreketlerinin’ tiykarinda bárhama qatan’ nizam hám qag’iydalar jatadi. Sol sebepli bulardi uyreniwge adamlar qádimnen umtilg’an. Adamlar ásirler dawaminda ekonomikaliq qubilislardi baqlap, olardi uliwmalastirg’an tu’rde hár turli pikirler, ilimiy ko’z-qaraslardi alg’a su’rgen. Bul ko’z-qaras hám pikirler qosilip,jiynalip ekonomika ilim payda bolg’an.
Ekonomikaliq bilimler turmista barliq adamlarg’a hámme waqitta kerek. XX-ásirdin’ ataqli ekonomist alimi, Nobel siylig’inin’ lawreati Milton Fridmennin’ (AQSh) jaziwinsha, ekonomika iliminin’ qag’iydalarin bir bet qag’azg’a siydiriw mu’mkin, biraqta buni ju’da az adam tu’sinedi. Demek ekonomikani jaqsi biliw ushin, oni qunt penen uyreniw kerek.
Adamzat o’zinin’ ko’p min’ jilliq tariyxi dawaminda u’lken ekonomikaliq hám sotsialliq rawajlaniw jolin basip o’tken. Hár bir dáwirde, anaw yamasa minaw mámlekette ayirim insanlar tárepinen sonday bir ekonomikaliq áhmiyetke iye pikir, ideya, teoriya hám kontseptsiyalar islep shig’ilg’an hámde iske asirilg’anlig’i sebepli mámleket hám xaliqlar rawajlang’an ayirim jag’daylarda qiyinshiliqlarg’a ushirag’an. Usi ekonomikaliq ideyalardi hár tárepleme teren’nen u’yreniw, analiz islew, olardin’ arasinan uliwma jámiyetlik áhmiyetke iye bolg’anlarin ajiratip alip, házirgi zamang’a yag’niy turmisqa engiziw teoriyaliq hám praktikaliq jaqtan paydali, sebebi bularda ko’p jilliq tájiriybe toplang’an boladi.
|
| |
