And davlat universiteti

SAMARQAND – 201_

Fan dasturi Samarqand davlat universiteti Biologiya fakulteti kengashida ko‘rib chiqilgan va tavsiya qilingan (201_ yil “___” _________dagi “___” -sonli bayonnoma).
Fakultet dekani: dots. X.A. Keldiyarov
Fan dasturi Samarqand davlat universitetida ishlab chiqildi.

Tuzuvchi:
Nomozova Z.B.	-	SamDU Biologiya fakulteti, botanika kafedrasi dotsenti, biologiya fanlari nomzodi
Taqrizchi:
Umurzakova Z.I.	-	SamDU Biologiya fakulteti, botanika kafedrasi dotsenti, biologiya fanlari nomzodi
Tashqi taqrizchi: I.H. Hamdamov	.	SamVM Instituti professori

Fanning dasturi Samarqand davlat universiteti o‘quv-uslubiy kengashining 201_ yil “___”________dagi “____”-son majlis bayoni bilan ma’qullangan.

Respublikamizning xalq xo‘jaligining ustivor yo‘nalishlaridan biri qishloq xo‘jaligi ekinlarini yetishtirish va mahsulotlarini qayta ishlashdan iborat bo‘lib, bugungi kunda mamlakatimizda bu jabhada keng qamrovli islohatlar olib borilmoqda. Ushbu dastur quruqlikda, suvda va boshqa muhitlarda yashaydigan barcha o‘simliklarni anatomik morfologik tuzilishini, morfologiyaning qonuniyatlarini, o‘simliklar organlarining klassifikatsiyasini, vazifasini, o‘simliklarni yer yuzida tarqalish qonuniyatlarini, o‘simliklar sistematikasini, ekologiyasini, geografiyasini, geobotanika va uning vazifalarini, O‘zbekistonning noyob o‘simliklarini, O‘zbekiston “Qizil kitobi”ni, o‘simliklardan oqilona foydalanishni, ularni ko‘paytirish usullarini o‘rganadi.

Fanni o‘qitishdan maqsad – talabalarga o‘simliklarning tuzilishi, o‘simliklarning ahamiyati, tabiatda tutgan o‘rnini o‘rgatish asosida fundamental bilimlar berish, ularni botanik va geobotanik kashfiyot usullari bilan tanishtirish; qishloq xo‘jaligi ekinlari hosildorligi va sifatini oshirish yo‘llarini nazariy hamda amaliy asoslarini o‘rgatishdan iboratdir.

Ushbu maqsadga erishish uchun fan talabalarni nazariy bilimlar, amaliy ko‘nikmalar, iqtisodiy hodisa va jarayonlarga uslubiy yondashuv hamda ilmiy dunyoqarashini shakllantirish vazifalarini bajaradi.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi. Talaba: - O‘zbekiston o‘simliklari; o‘simliklarning anatomik va morfologik tuzilishi; vegetativ va generativ organlarning vazifalari; o‘simliklar geografiyasi, ekologiyasi va ularni muhofaza qilish haqida tasavvurga ega bo‘lishi;

− o‘simlik hujayrasi va to‘qimalarining tuzilishlari, o‘simliklarning vegetativ va generativ a’zolarining morfologik va anatomik tuzilishi, ularning o‘zgarishlarini; o‘simliklarning ko‘payish usullarini va changlanish-urug‘lanish jarayonlarini; o‘simliklar sistematikasi va ekologiyasini; o‘simliklar geografiyasi, geobotanika, o‘simliklarni ko‘paytirish yo‘llarini va ularni muhofaza qilishni talaba bilishi va ulardan foydalana olishi;

− talaba, vegetativ organlar metamorfozi; vegetativ kurtak, novdalarni, generativ kurtak va novdalarni; bir va ko‘p yillik o‘simliklarni va begona o‘tlarni; bir pallali va ikki pallali, bir uyli va ikki uyli, ochiq va yopiq urug‘li o‘simliklarni farqlash; madaniy va yovvoyi o‘simlik turlarini aniqlash, o‘simlik guruhlarini geobotanik o‘rganish bo‘yicha ko‘nikmalariga ega bo‘lishi kerak.
Fanning o‘quv rejadagi boshqa fanlar bilan o‘zaro bog‘liqligi va uslubiy jihatidan uzviyligi

“Botanika” fani asosiy umum kasbiy fani hisoblanib, u 4 qismdan iborat: o‘simliklar morfologiyasi va anatomiyasi 1 semestrda; tuban o‘simliklar 2 semestrda; yuksak o‘simliklar 3 semestrda, geobotanika asoslari 4 semestrda o‘qitiladi. Ushbu fan dasturini amalga oshirishda o‘quv rejagi “Sitologiya”, ”Ekologiya”, “Kimyo”, “Chet tili”, “Gistologiya” fanlaridan yetarli bilim va ko‘nikmalarga ega bo‘lishi talab etiladi.