Kirish. Ekologiya huquqi: tushunchasi, rivojlanish bosqichlari, predmeti. Tabiatni huquqiy muhofaza qilish tarixi

Kirish.Ekologiya huquqi: tushunchasi, rivojlanish bosqichlari, predmeti. Tabiatni huquqiy muhofaza qilish tarixi.

• Reja
• Ekologik huquq predmet sifatida
• Ekologik huquq tushunchasi
• Ekologik huquqning maqsadi va vazifalari
• Tabiatni huquqiy muhofaza qilish tarixidan

Ekologik huquq predmet sifatida

• . Ko’pgina adabiyotlarda Ekologik huquqning predmeti-ekologik munosabat, deb aytiladi. Lekin ekologik munosabat-tabiatni muhofaza qilish, atrof-muhitni sog’lomlashtirish, tabiiy tizimlarni qayta tiklash va tabiiy zahiralardan oqilona foydalanishda yuzaga keladigan kishilarning harakat yoki harakatsizliklarini ifodalovchi barcha harakterdagi ijtimoiy munosabatlarni qamrab oladi.
• Ushbu ijtimoiy munosabat huquq me‘yorlarida belgilangan tarzda amalga oshirilsa-yuridik xarakterdagi, faqatgina axloq-odob qoidalarida aks ettirilsa-ijtimoiy xarakterdagi, xalqaro aloqa qoidalarida aks ettirilsa-siyosiy harakterdagi ekologik munosabatlar deyish mumkin.

• Ekologik huquq esa faqatgina yuridik xarakterdagi ijtimoiy-ekologik munosabatlarni o’z predmeti qilib oladi. Chunki hamma odob-axloq yoki xalqaro aloqa qoidalari milliy qonunchilikda aks ettirilmasligi va u davlatning huquqiy-ekologik boshqaruv asosi bo’lmasligi ham mumkin.
• Keyingi vaqtlarda olimlar ekologik huquqiy munosabatlarga tabiiy resurslardan oqilona foydalanishga doir ijtimoiy munosabatlarni kiritish shart emas, degan fikrni olg’a surmoqdalar. Ular mustaqil huquq sohalari-suv, yer, yer osti boyliklari, o’rmon huquqlari predmeti bo’lib qolsin, demoqdalar.
• Xullas, Ekologik huquqning predmeti-ekologik-huquqiy munosabatlar, ya‘ni atrof-muhitni muhofaza qilish, tabiiy resurslardan oqilona foydalanish va buzilgan tabiat komplekslarini qayta tiklashda yuzaga keladigan yuridik xarakterdagi ijtimoiy munosabatlar.