|
-modda. Bojxona organlari xodimlarini tayyorlash, qayta tayyorlash va ularning malakasini oshirish
|
| bet | 11/21 | | Sana | 19.12.2023 | | Hajmi | 0,9 Mb. | | #123889 |
Bog'liq bojxona18-modda. Bojxona organlari xodimlarini tayyorlash, qayta tayyorlash va ularning malakasini oshirish
Oldingi tahrirga qarang.
Bojxona organlari uchun kadrlar tayyorlash Bojxona institutida va O‘zbekiston Respublikasining boshqa ta’lim muassasalarida amalga oshiriladi.
(18-moddaning birinchi qismi O‘zbekiston Respublikasining 2019-yil 22-maydagi O‘RQ-540-sonli Qonuni tahririda — Qonun hujjatlari ma’lumotlari milliy bazasi, 23.05.2019-y., 03/19/540/3167-son)
Oldingi tahrirga qarang.
Bojxona organlariga qabul qilingan xodimlar (Bojxona instituti bitiruvchilaridan tashqari) majburiy tartibda birlamchi kasbiy qayta tayyorgarlikdan o‘tadi.
(18-modda O‘zbekiston Respublikasining 2022-yil 18-fevraldagi O‘RQ-755-sonli Qonuniga asosan ikkinchi qism bilan to‘ldirilgan — Qonunchilik ma’lumotlari milliy bazasi, 18.02.2022-y., 03/22/755/0147-son)
Bojxona organining xodimi boshqa turdagi kasbiy faoliyat bilan bog‘liq lavozimga tayinlangan taqdirda yoki uni ishning yangi yo‘nalishlari bo‘yicha tayyorlash zarur bo‘lganda qayta tayyorgarlikdan o‘tadi.
Oldingi tahrirga qarang.
Bojxona organining xodimi O‘zbekiston Respublikasi Davlat bojxona qo‘mitasi raisining buyrug‘iga muvofiq malaka oshirishdan o‘tadi.
(18-moddaning to‘rtinchi qismi O‘zbekiston Respublikasining 2022-yil 18-fevraldagi O‘RQ-755-sonli Qonuni tahririda — Qonunchilik ma’lumotlari milliy bazasi, 18.02.2022-y., 03/22/755/0147-son)
Oldingi tahrirga qarang.
Bojxona institutining tinglovchilari va kursantlari bojxona organlaridagi xizmatda deb hisoblanadi, bundan chet el fuqarolari mustasno.
(18-moddaning to‘rtinchi qismi O‘zbekiston Respublikasining 2019-yil 22-maydagi O‘RQ-540-sonli Qonuni tahririda — Qonun hujjatlari ma’lumotlari milliy bazasi, 23.05.2019-y., 03/19/540/3167-son)
LexUZ sharhi
Qarang: O‘zbekiston Respublikasi Vazirlar Mahkamasining 2019-yil 29-apreldagi 365-son “O‘zbekiston Respublikasi Davlat bojxona qo‘mitasining Bojxona instituti bakalavriati va magistraturasiga o‘qishga qabul qilish tartibi to‘g‘risidagi nizomlarni tasdiqlash haqida”gi qarori.
|
| |
