|
Organik issiqlik izoliyatsiya ashyolari
|
| bet | 18/23 | | Sana | 12.06.2024 | | Hajmi | 57,78 Kb. | | #263060 |
Bog'liq istiqbolli 2024 Word43. Organik issiqlik izoliyatsiya ashyolari. Organik issiqlik izolyasiyasi ashyolari o'simliklar, yog'och va qishloq ho'jaligi ekinlarining chiqindilari asosida tayyorlanadi. Bu maqsadda yog'och qirindisi, puShtaxta, arra to'fon, torf, qamish, kanop chiqindisi, g'o'zapoya, somon, sholipahol va x.k.lardan foydalaniladi. Yog‘och qirindi plitalar – 88-92% maydalangan yog‗och qirindisini (to'ldiruvchi) 8-12% polimer smolasi (bog'lovchi modda) bilan aralashmasini issiqlayin presslash yo'li bilan tayyorlangan plita ko'rinishidagi su‘niy konglomeratdir. Bog'lovchi modda sifatida termoreaktiv smolalar (mochevinaformaldegid, karbamid, fenolformaldegid va x.k.) ishlatiladi. Plitalarning xossalarini yaxshilash maqsadida aralashmaga gidrofob (parafin emulsiyasi), antiseptik va boshqa qo'shimchalar qo'shiladi.O‗rtacha zichligi bo'yicha yengil (250-400 kg/m3 ), yengillashtirilgan (400- 800 kg/m3 ) va og'ir (800-1200 kg/m3 ) yog'och qirindi plitalar ishlab chiqariladi. Issiqlik izolyasiyasi uchun yengil plitalardan (λ=0,046-0,093Vt/(m·0 S) foydalaniladi. Plitalar konstruksiyalarga mixlar va maxsus mastikalar bilan mahkamlanadi. Yog‘och tolali plitalar yog'och chiqindilari, qog'oz makulatura, jo'xori, g'o'za va kanop poyalari, poxol va sh.k.larni defibratorlarda titilgan tolali massalariga polimer bog'lovchilar qo'shib olinadi. Mahsulot sifatini oshirish maqsadida massa tarkibiga gidrofob, antiseptik va antipiren moddalar kiritiladi. Plitalar quyma va presslash usulida qoliplanadi, 165-1800 S haroratda quritiladi. Egilishdagi mustahkamligi hamda tayyorlanish texnologiyasi qarab yog'och tolali plitalar o'ta qattiq, qattiq, yarimqattiq, yumShoq va pardozbop qattiq xillarga bo'linadi. Issiqlik izolyasiyasiga o'rtacha zichligi 150-350 kg/m 3 va λ=0,064-0,1 Vt/(m·0 S) bo'lgan yumShoq plitalar ishlatiladi. Plitalar uzunligi1200 dan 3000 mm gacha, eni 1200 dan 1700 mm gacha, qalinligi esa 8, 12, 16, 28 mm qilib ishlab chiqariladi. Egilishdagi mustahkamligi bo'yicha M-4, M-12, M-20 markalarga bo'linadi. Mazkur plitalar uy zamburg'lari shikastlantirmaydigan issiqlik izolyatsiyasi, shift va devorlarga qoplama ashyo (orgalitli quruq suvoq), tom yopmalari, eshik va sh.k.larda esa issiqlik saqlovchi sifatida foydalaniladi.
|
| |
