|
Kalendarlar va ularning turlari. Quyosh, Oy, Oy-Quyosh kalendarlari
|
| bet | 10/10 | | Sana | 11.05.2023 | | Hajmi | 38 Kb. | | #58296 |
Bog'liq Yordamchi tarix 2 mavzu maruza 24, Avtomobil va avtopoezd-tsisternalarning tuzilishi, jihozlari va -azkurs.org (1), 3-amaliy mashgʻulot., ИЛОВАЛАР, mustaqil ish, Умк источниковедение для 2 курса, zebra, Shvetsiyada umumta\'lim tizimining òziga xos xususiyatlari, Zbekiston respublikasi raqamli texnologiyalar vazirligi muhammad, MUSTAQIL ISH24, MUSTAQIL ISH25, 1709361325, 1-maruzaKalendarlar va ularning turlari. Quyosh, Oy, Oy-Quyosh kalendarlari
Quyosh kalendariga tropik yilning uzunligi asos qilib olinadi. Quyosh kalendarining uzunligi tropik yilning uzunligiga yaqin bo‘lishi kerak. Agar kalendar yili tropik yildan qisqaroq bo‘lsa, biz o‘lchayotgan vaqt oralig‘ida ortiqcha vaqt qoladi. Shunday qilib, kalendar yili tropik yildan qisqa bo‘lsa, yil fasllari kalendar yilining keyingi kunlariga surila boradi. Bunday surilish bir necha avlod hayoti davomida sezilarli xatoga olib kelardi, ya’ni 60 yilda fasllar 15 sutkaga, 120 yilda bir oyga kech qolgan bo‘lardi, 720 yilda esa xato olti oyga yetib, martda kuz, sentabrda bahor 6o‘lardi. Agar kalendar yilini 366 sutka deb olsak, u holda bir sutka emas, balki uch sutka xatoga yo‘l qo‘yilardi va teng kunlik nuqtasi Quyosh bilan 21-martda emas, 18 yana to‘rt yildan so‘ng 15 -martda to‘g‘ri kelgan bo‘lar edi.
Quyosh o‘zining ko‘rinma harakati bo‘yicha bahorgi teng kunlik nuqtasidan o‘tishi uchun ketgan vaqt tropik yil deb ataladi. Uning davomiyligi 365 sutka 5 minut 46 sekundga teng. Tropik yilning 365 sutkadan ortiq qismi yil olib borishda ko‘p noqulayliklarga sabab bo‘ladi.
Tabiatdan aniq bo‘lgan vaqt hisobi birliklari sutka, oy, yil qadimdan ma’lum bo‘lib dastlabki kalendarlarning asosini tashkil etgan. Biz kalendar deb shunday vaqt hisobi tizimini aytamiz-ki, uning asosida osmon yoritqichlari harakatiga bog‘liq tabiatning davriy hodisalari yotadi. Bunday tizimni yaratish birinchi bo‘lib ilk neolit davrida sodir bo‘ldi. Bu ishlab chiqarish xo‘jalik shakllarining paydo bo‘lishi bilan bog‘liq edi. Dehqonchilik va chorvachilik xo‘jaligi tabiat (fasllar) hodisalari bilan bog‘liq edi. Insoniyat tomonidan qo‘llanib kelingan kalendarlarni ikki guruhga bo‘lish mumkin. Bular Quyosh va Oy hisoblaridagi kalendarlardir. Kalendarlarni mukammallashtirish uchun Oy-Quyosh kalendaridan ham foydalanganlar.
Dastlabki Misr Quyosh kalendari miloddan avvalgi 3 ming yillikda yaratiladi. Misr astronomlari eng yorqin yulduz bo‘lgan Siriusning geliakik ko‘rinishi, daryosidagi toshqin vaqtiga to‘g‘ri kelishini aniqlagan. Bu ikki hodisa esa bahorgi teng kunlik davriga to‘g‘ri kelgan. Misr kalendarida bir yilning uzunligi 365 sutkaga teng bo‘lgan. Bir yil esa o‘n ikkita 30 kunlik oylarga va qo‘shimcha yana besh kundan iborat bo‘lgan. Har to‘rt yilda bir sutka xatolik vujudga kelardi. Misr kalendari bir necha asrlar davomida ishlatib kelingan. Mazkur kalendarni isloh qilishga bir necha bor urinib ko‘rilgan.
Oy kalendari. Yuliy Sezar Misr Quyosh kalendarini o‘rganib chiqadi va Rim Oy-Quyosh kalendarini yangi Quyosh kalendari bilan o‘zgartiradi. Quyoshning harakatini kuzatishdan ko‘ra, Oyni kuzatish osonroq. Shuning uchun Oy harakatiga asoslangan vaqt o‘lchovi Quyosh harakatiga asoslangan vaqt o‘lchovidan avvalroq qo‘llana boshlagan. Oyning ko‘rinishi shakllari kun sayin o‘zgarib turadi. Qadimdan insonlar Oy shakllarini o‘zgarib turishiga nazar solganlar. Oyning Yer atrofidagi harakatlanishi davrida Quyoshga nisbatan egallaydigan vaziyatlari Oy fazalari deyiladi. Oy o‘zidan nur chiqarmaydi, uni Quyosh nuri yoki Quyosh nurining qaytayotgan qismi yoritishi mumkin, shu tufayli Oyning fazoda Quyoshga va Yerga nisbatan qanday holatda turishiga ko‘ra, u yerdan qaralganda turli shaklda ko‘rinadi. Har oyda Oy taxminan Yer bilan Quyosh orasidan o‘tadi va Yerga o‘zining qorong‘i tomoni bilan turadi. Bunga astronomik yangi oy deyiladi. Bir-ikki kundan so‘ng Quyosh botgach, osmonning g‘arbiy qismida Oy ingichka o‘roq shaklida ko‘rinadi, bu xalq tilida xilol yoki yangi oy deyiladi. Bunda Oyning qolgan qismini Yer o‘zining kunduzgi yarim sharidan qaytgan nurlari bilan xira kulrang ravishda yoritib turadi. Yetti kundan keyin Yerdan Oyga va Quyoshga tomon yo‘nalishlari orasidagi burchak 900 ga teng bo‘ladi, bunda u yarim “kulcha” ko‘rinib, Oyning bu fazasi birinchi chorak deyiladi. Taxminan 14-15 kunlik Oy Quyoshga qarama-qarshi turib, uning Quyosh bilan yoritilgan yarim sferasi to‘laligicha yerga qaraydi. Oyning bu fazasi to‘linoy deb ataladi. Bunda Oyni to‘la yorug‘ doira shaklida ko‘rish mumkin. Keyingi kunlarda Oyning g‘arbiy tomoni yemirila borib, 22-sutkada faqat qabariq tomoni sharqqa qaragan yarim doira shaklida ko‘rinadi. Buni Oyning oxirgi chorak fazasi deyiladi.
29,5 sutkadan so‘ng Oy yana astronomik yangi Oy fazasida bo‘ladi. Ikki ketma-ket kelgan yangi Oy orasida o‘tgan vaqt Oyning sinodik davri deyilib, 29 sutka 12 soat 44 minut 2,28 sekundga teng. Siderik oy – Oyning yulduzlarga nisbatan ikki ketma-ket kelgan bir xil vaziyati orasida o‘tgan vaqt bo‘lib, u 27 sutka 7 soat 43 minut 11,51 sekundga teng.
Oy atamasini biz ikki ma’noda ishlatamiz. Oy - bu Yer sayyorasining tabiiy yo‘ldoshi samoviy jism sifatida va vaqt oralig‘i o‘lchovi, yuqorida aytganimiz sinodik oydir. Oy kalendari to‘liq va to‘liq bo‘lmagan oylarga bo‘linadi. To‘liq oylar 30 kundan, to‘liq bo‘lmagan oylar 29 kundan iborat bo‘lgan. Toq oylar 30, juft oylar 29 sutka qilib belgilangan. Oy kalendarida yilning davomiyligi 354,36706 sutkaga teng.
Oy kalendarida bir yil 354 sutka qilib olingan. Oy kalendari musulmon olamining yil hisobiga asos qilib olingan. U milodiy 622 yilning 16 iyul juma kunidan boshlab hisoblanadi. Hijriy yil hisobi o‘z navbatida hijriy-qamariy (Oy) va hijriy-shamsiy (Quyosh) yiliga bo‘linadi. Oy kalendarida ham Quyosh kalendaridagi kabi yillarni hisoblashda ba’zi muammolarga duch kelinadi va Oy kalendarining "kamchiligi" uning fasllarga mos tushmaganidadir. Ammo Oy kalendarining o‘ziga xos jihati bu uning aniqligidadir.
Oy-Quyosh kalendari. Dehqonchilik xo‘jaligining rivojlanishi natijasida ekish, hosilni yig‘ishtirib olish uchun aniq vaqt hisobi zarur ediki, bu narsa Oy fazalarining o‘zgarishi va Quyoshning harakati bilan bog‘liq edi. Shuning uchun ham Oy-Quyosh kalendarlari tuzila boshlandi. Hozirgi kunga kelib Quyosh kalendari jahonda xalqaro kalendar sifatida tan olingan.
|
| |
