bo‗lar edi. Uskunaning 1 oyda haqiqatda ishlab chiqargan elektrenergiyasi
miqdorini uning to‗liq quvvatda ishlab chiqarishi mumkin bo‗lgan elektrenergiya
miqdoriga bo‗lamiz: 648 000 MVt-soat / 720 000 MVtsoat = 0,9. Demak, elektr
uskunaning o‗rnatilgan quvvatidan foydalanish koeffitsienti 90%ga teng ekan.
3.
Quvvatlarni o„rnatishning umumiy xarajatlari (total installed cost -
TIC).
Ushbu ko‗rsatkich energetika korxonalarida asbob-uskunalarni o‗rnatish
uchun zarur materallar, ish haqi va subpudrat xarajatlari yig‗indisini hisoblash
orqali aniqlanadi.
Yuqorida qayd etilgan omillar ta‘sirida quyosh va shamol elektrostansiyalari
yordamida olinayotgan elektrenergiya qiymati an‘anaviy elektrenergiya qiymatiga
narx va unumdorlik bo‗yicha deyarli tenglashib qoldi. Aksariyat mamlakatlarda
quyosh va shamol texnologiyalarida subsidiyalashtirilmagan LCOE darajasi
boshqa texnologiyalar yordamida ishlab chiqarilayotgan energiya qiymatiga
nisbatan sezilarli darajada pasaydi. Jumladan, 2010-2018 yillarda gidroenergiya
hisobidan olinadigan elektrenergiya narxi 107,3%ga qimmatlashgani holda, quyosh
(fotoelektrik) energiyasidan olinayotgan elektrenergiya narxi 77,0%ga arzonlashdi.
Narx nuqtai nazaridan qirg‗oqlarga o‗rnatilgan shamol uskunalari (1 MVt-soat
uchun 55 dollar) jahonda elektrenergiya olishning eng arzon manbaiga aylanib
ulgurdi (5.3.1-jadval).
1-jadval
