|
12-ma’ruza: Tabiiy gaz tarkibidan og’ir uglevodorodlarni ajratish. Reja
|
| bet | 1/3 | | Sana | 24.05.2023 | | Hajmi | 341.68 Kb. | | #63967 |
Bog'liq 12-Ma\'ruza 12-ma\'ruza, 2 –Lobaratoriya ishi Mahsuldor qatlamni-qum suyuqlik yordamida t, 4, Yunusxodjaev zoir shokirovich kasbiy psixologiya, Temperament va uning tiplari , Кasbiy psixologiya 2-ma\'ruza, Чиниқулов, Жўлиев, 1- var, 15, Mavzu Neft va gaz konlarini ishlatish texnologiyasi-fayllar.org, EJAR01174, 10-Topshiriq
12-MA’RUZA:
Tabiiy gaz tarkibidan og’ir uglevodorodlarni ajratish.
Reja:
12.1.Tabiiy gazlarni oltingugurtli qo‘shimchalardan adsorbtsiya usulida tozalash.
12.2.Adsorberlarning tuzilishi.
12.1.Tabiiy gazlarni oltingugurtli qo‘shimchalardan adsorbtsiya usulida tozalash.
Sanaot miqyosida ishlatiladigan adsorbentlar quyidagi talablarga javob berishlari kerak:
1) tanlovchanlik-aralashma tarkibidagi tegishli komponentni yutib olish va boshqa komponentlarga esa ta’sir qilmaslik;
2) maksimal adsorbsion hajm yoki faollik-adsorbentning massa yoki hajm birligida yutilgan adsorbtivning miqdori;
3) adsorbentni regeneratsiya qilish paytida yutilgan moddaning to‘la ajralib chiqishi; 4) adsorbent donalarining kerakli mustahkamlikka ega bo‘lishligi, chunki donalarning buzilib ketishi jarayonning gidrodinamik holatini yomonlashtiradi;
5) yutilayotgan moddalarga nisbatan kimyoviy inertlikka ega bo‘lishlik;
6) narhi arzon.
Adsorbentning tanlovchanligi va uning adsorbsion hajmi adsorbent va adsorbtivning tabiatiga va molekulalarning tuzilishiga bog‘liq bo‘ladi. Bunda adsorbentning solishtirma yuzasi (massa yoki hajm birligidagi adsorbentning yuzasi) va adsorbent g‘ovaklarining o‘lchamlari muhim ahamiyatiga ega. Bu ikkala kattalik bir-birlari bilan uzviy bog‘langan. G‘ovaklarning o‘lchamlari qanchalik kichik bo‘lsa, adsorbentning solishtirma yuzasi shunchalik katta bo‘ladi. Bu holat adsorbent faolligini kuchaytiradi.
Adsorbentning faolligi adsorbsiya jarayonining shart-sharoitlari (harorat, bosim, adsorbtivning muhitdagi konsentratsiyasi) ga ham bog‘liq bo‘ladi. Haroratning kamayishi, bosimning ko‘payishi (gaz va bug‘lar uchun) va aralashmadagi kerakli komponent konsentratsiyasining ortishi bilan adsorbentning faolligi kuchayadi.
Adsorbentlar zarracha ichidagi kapillyar kanallarning kattaligiga qarab shartli ravishda makro (r> 10–7 m), oraliq (10-9 Sanoatda adsorbent sifatida faollashtirilgan ko‘mir, qattiq g‘ovaksimon moddalar, silikagel, sellyuloza, seolitlar, tuproq jinslari, ion almashinuvchi sun’iy smolalar (ionitlar) ishlatiladi.
Faollashtirilgan ko‘mir odatda turli aralashmalar tarkibidan organik moddalarni yutish hamda suyuqlik va gazlar (bug‘lar) ni ajratish uchun keng qo‘llaniladi. Faollashtirilgan ko‘mirlar har xil organik xom ashyolar (yog‘och, tosh ko‘mir, qipiq hamda teri, qog‘oz va go‘sht ishlab chiqarishlari qoldiqlari) ni quruq haydash va so‘ngra bug‘ yoki kimyoviy reagentlar ta’sirida qayta ishlash natijasida olinadi. Faollashtirilgan ko‘mirlarning asosiy ko‘rsatgichlari ularning turlariga qarab quyidagicha chegaralarda o‘zgaradi: solishtirma yuza 6·105–17·105 m2/kg, uyilgan zichlik 200–900 kg/m3. Bunday ko‘mirlar noaniq shaklli zarrachalar (o‘lchami 1–7 mm), silindrsimon zarrachalar (diametri 2–3 mm, balandligi 4–6 mm) va kukun sifatida (zarrachaning o‘lchami 0,15 mm dan kichik) ishlatiladi. Kukun holatidagi adsorbentlar eritmalarni ajratish uchun qo‘llaniladi. Faollashtirilgan ko‘mirning kamchiliklari bor: yonuvchanlik; mexanik mustahkamligi yetarli emas.
Silikagellar (kremniy kislotasining suvsizlantirgan geli) polyar birikmalarni adsorbsiya qilish uchun ishlatiladi. Bunday adsorbentlardan gaz va suyuqliklarni suvsizlantirish, organik moddalarni gaz fazasida ajratish uchun hamda xromotografiyada foydalaniladi. Silikagellarning solishtirma yuzasi 4·105–7,7·105 m2/kg, uyilgan zichligi esa 400–800 kg/m3. Noaniq shaklli zarrachalarining o‘lchami keng intervalda o‘zgaradi (0,2–7 mm), granula holatidagi zarrachalarning o‘lchami esa 2–7 mm atrofida bo‘ladi. Silikagellarning afzallik tomonlari: yonmaydi; mexanik mustahkamligi yuqori. Kamchiliklari: solishtirma yuzasi kamroq; namlik bo‘lgan paytda adsorbentning organik moddalarga nisbatan yutish qobiliyati pasayib ketadi.
Adsorbentlar sifatida seolitlar ham ko‘p ishlatiladi. Bunday adsorbentlar tarkibida ishqor va ishqoriy-yer metallarning oksidlarini ushlagan alyumosilikatlardan iborat. Seolitlar yuqori tanlovchanlikka ega. Seolitlar suyuqliklarni tozalash uchun mayda donali kukun sifatida, gazlarni tozalash uchun esa o‘lchamlari 1–5 mm bo‘lgan sharsimon yoki granulalar holida ishlatiladi. Ba’zi seolitlarning g‘ovaklari juda ingichka bo‘lib, ularning kattaligi yutilayotgan modda molekulalarining kattaligiga teng bo‘ladi. Bu xildagi seolitlar molekulyar elak sifatida, ya’ni o‘lchamlari g‘ovaklarining kattaligidan kichik bo‘lgan molekulalarni yutish uchun ishlatiladi. Seolitlarning suvni yutish qobiliyati katta bo‘lgani sababli ular gazlarni quritishda hamda suyuqlik va gazlarni tozalash uchun ishlatiladi. Seolitning tarkibida yutilgan suv juda harakatchandir, bu suv qizdirish orqali yo‘qotiladi va bu adsorbent soviganidan so‘ng qaytadan suvni yutish qobiliyatini tiklaydi. Seolitlarning uyilish zichligi 600–800 kg/m3 bo‘ladi. Seolitlarning yutish qobiliyati g‘ovaklarning solishtirma yuzasi bilan emas, balki g‘ovaklarni adsorbat bilan hajmiy to‘ldirish qiymati bilan belgilanadi (0,2–0,25 sm3/g).
Sanoatda eritmalarni har xil pigmentlardan tozalash uchun adsorbent sifatida tuproq jinslari ham ishlatiladi. Tuproq jinslari tabiatda ko‘p tarqalgan bo‘lib, narxi arzon, uyilish zichligi 400–450 kg/m3. Tuproq jinslarining solishtirma yuzasi boshqa sanoatda ishlatiladigan adsorbentlarga nisbatan ancha kichik (35–150 m3/g).
12.1-jadvalda neft va gazni qayta ishlash sanoatida ishlatiladigan adsorbentlar haqida asosiy ma’lumotlar keltirilgan.
Adsorbentlar statik va dinamik faollikka ega. Adsorbent ma’lum vaqt ishlagandan so‘ng adsorbtivni to‘la yutmay qo‘yadi, bunda adsorbtiv adsorbent qatlamidan yutilmasdan o‘tib ketadi. Bunday jarayon yutiluvchi komponentning o‘tib ketishi deyiladi. Shu paytda uskunadan chiqib ketayotgan gaz
|
| |
