18.3. Injenerlik inshootlari loyihasini gidrogeologik va injener-
geologik jixatdan asoslash
Loyiha qilinadigan injenerlik inshootini injener-geologik nuqtai
nazardan asoslash uchun (to‘gon maydoni va nasos stansiyasi uchun)
1:5000 masshtabdagi s’yomka tarkibida geofizik, yer qazish, burg‘ilash,
geotexnik va filtratsion tajriba ishlari bo‘lgan qidiruv ishlari hamda tog‘
jinslarining fizik-mexanik, petrografik, kimyoviy tarkiblarini aniqlash
ishlari va maxsus tadqiqot ishlari bajariladi.
Burg‘ilash quduqlarining chuqurligi inshootlar joylashgan yerlarning
geologik tuzilishi qonuniyatlarini, injener-geologik va gidrogeologik
sharoitlarni aniqlashni hisobga olgan holda va inshoot zamini gruntlarining
fizik-mexanik xususiyatlariga baho berish maqsadlariga muvofiq
tayinlanadi.
Burg‘ilash quduqlari to‘g‘onnning o‘qi bo‘yicha ham yuqori va pastki
b’efda to‘g‘ondan 100-200 metr uzoqlikda to‘g‘on o‘qiga parallel ravishda
joylashtiriladi. Quduqlar injener-geologik sharoitning murakkabligiga,
to‘g‘onnning balandligiga bog‘liq ravishda 20-100 metr chuqurliklarda va
bir-birlaridan 40-150 metr masofada qaziladi.
To‘g‘on o‘qidan tashqari, qidiruv quduqlari bilan loyiha
qilinayotgan beton
inshootlari (tashlama, baliq o‘tkazuvchi qurilma va boshqalar) joylashgan
maydonchalar ham yoritiladi. Qidiruv quduqlari qurilish ishlarini tashkil
qilishga halaqit beruvchi yoki inshoootlarning ish jarayoniga salbiy ta’sir
ko‘rsatuvchi salbiy injener-geologik jarayon uchrashi mumkin bo‘lgan
chuqurlikkacha qazilishi lozim.
Injener-geologik sharoiti murakkab yerlarda shurf va burg‘ilash
quduqlaridan tashqari qidiruv shtolnyalari va shaxtalari qaziladi.
Gruntlarning fizik-mexanik xossalari laboratoriya va dala usullari
yordamida o‘rganiladi. Tajribalarning hajmi inshootning murakkabligiga
bog‘liq. Lyossimon gruntlarni o‘rganish uchun tomonlari cho‘kuvchan
qatlamlar qadinligining 0,5-1 qismiga teng o‘lchamli kotlovanlarda
tajribaviy suv quyish tajribasini o‘tkazish nazarda tutiladi.
Dala va laboratoriya ishlarining tarkibi va hajmi ob’ektning a
niq
injener-geologik sharoitiga qarab belgilanadi.
To‘g‘on uchastkasi va boshqa inshoot maydonchalarida olib
boriladigan gidrogeologik tadqiqot ishlari quyidagi masalalarni yechish
uchun dastlabki ma’lumotlar bilan ta’minlaydi:
a) qurilish kotlovanlariga quyiladigan yer osti suvining sarfini
baholash va yer osti suvi sathini pasaytirish uchun samarali tadbirlar
tanlash uchun;
b) inshoot zaminida va pastki b’efida vujudga keladigan filtratsion
bosimni baholash uchun;
c) inshoot asosida, inshoot atrofiga va atrofdagi soyliklarga
filtratsiyaga sarf bo‘ladigan suvlarning miqdorini hisoblash va
filtratsiyaga qarshi chora-tadbirlarni loyiha qilish uchun;
d) suv ombori atrofida yer osti suvlarining rejimini va o‘zgarish
chegaralarini aniqlash uchun;
e) yer osti suvlarining agressivligini aniqlash uchun.
Kanal terassasining hisobga olgan holda 1-3 dona qidiruv quduqlari joylashtirilishi kerak.
Quduqlarning chuqurligi kanal ostidan 3-5 metr chuqurlikgacha, har bir geomorfologik
elementda regional yoki kichik maydonda tarqalgan suv to‘sar qatlamgacha (lekin 30 metrdan
ortiq bo‘lmagan chuqurlikgacha) qaziladi. Agar ayrim uchastkalarda yumshoq, bo‘shoq jinslar
tarqalgan bo‘lsa, burg‘ilash quduqlari tub yoki mustahkam jinslarga 2 metrdan ortiqroq
chuqurlashtiriladi.
Qidiruv quduqlarini terassa bo‘ylab joylashtirish uchun s’yomka natijasida tuzilgan injener-
geologik tumanlarga bo‘lish xaritasidan foydalaniladi.
Terrasa tog‘ yonbag‘irlarini, soylarni, temir va avtomobil yo‘llarini kesib o‘tgan yerlarda
terassa o‘qi bo‘ylab yoki ko‘ndalang kesim bo‘ylab qo‘shimcha 3-5 ta burg‘i qudug‘i qaziladi.
Kanal va kollektor terassalarida olib borilgan qidiruv ishlari natijasida quyidagilar aniqlangan
bo‘lishi kerak:
a) terassaning geologik-litologik tuzilishi, tog‘ jinslarining filtratsion ko‘rsatkichlari, ularning
sho‘rlanganligi va gips bilan tuzlanganligi;
b) yer osti suvlarining yotish chuqurligi, kimyoviy tarkibi, agressivligi va rejimi (tabiiy
sharoitdagi va loyiha sharoiti uchun sath bashorati);
v) terassaning maxsus injenerlik tadbirlarini nazarda tutishni talab qiladigan salbiy injener-
geologik sharoitli joylari;
g) inshoot konstruksiyasiga ta’sir ko‘rsatadigan, gruntlarning holati va xususiyati
ko‘rsatkichlari;
d) qurilish va ekspluatatsiya davrida inshoot zaminidagi gruntlarga va kotlovan
yonbag‘irlarining mustahkamligiga ta’sir ko‘rsatadigan filtratsion bosimning ta’siri;
e) filtratsiyaga yo‘qotiladigan suvning miqdori va atrof hududlardagi zax bosishi mumkin
bo‘lgan mintaqalar maydoni.
Tajriba ishlari va maxsus tadqiqotlar quyidagilardan iborat bo‘ladi:
a) tajriba yo‘li bilan suvi sathini pastlashtirish va suvini chiqarib tashlash;
b) tajribaviy kotlovanlar kavlash;
v) to‘g‘on tanasini tajriba yotqizib tiklash;
g) tajriba uchun beton qoziqlarini va shpuntlarni qoqish;
d) cho‘kuvchan gruntlarni tajribaviy namlash.
Maxsus tadqiqotlar va tajriba ishlarining tarkibi va hajmi qidiruv ishlari
dasturida asoslangan bo‘lishi lozim.
Tajriba ishlari va maxsus tadqiqotlar imkoni boricha ishlab chiqarish
sharoitiga yaqin sharoitlarda o‘tkazilishi kerak va ular ular oddiy tadqiqot usullari
injener-geologik sharoitni to‘g‘ri baholash uchun ishonarli ma’lumot bilan ta’minlay
ololmaydigan hollarda o‘tkaziladi.
Qo‘yilgan masalalarni hal qilish uchun quyidagi tajriba-tadqiqot ishlari
o‘tkaziladi:
a) qurilish kotlovanlaridan suvni chiqarib tashlashni va yer osti suvi sathini
pasaytirish chuqurligini aniqlash uchun hamda zovur va filtratsiyaga qarshi
ishlatiladigan qurilmalarning ko‘rsatkichlarini aniqlash uchun tajribaviy suv tortib
olish va chiqarib tashlash tashkil qilinadi. Tajriba ishlarini qurilish kotlovanlari
chegarasida qurilgan maydonlarda o‘tkazish kerak.
Tajriba quduqlari ishlab chiqarish sharoitidagi singari qurilgan va jihozlangan bo‘lishi kerak.
b) qurilish kotlovanlarini qazishda quyidagilar aniqlanadi:
•
qiyalikning optimal qiymati;
•
loyiha bo‘yicha qurilgan qiyalik holatini kuzatib borish;
•
inshoot zamini ochilgandan so‘ng, gruntlarni kuzatish (filtratsion bosim qiymati, nurash
tezligi, gruntlarning ko‘pchishi);
•
tajriba kotlovanlarida olib borilgan tadqiqot ishlarining hajmi tekshirilayotgan maydonning
gidrogeologik va injener-geologik sharoitini o‘ziga xosligiga bog‘liqligi loyiha tuzuvchi bo‘lim bilan
birgalikda ishlab chiqilishi kerak;
•
o‘z ko‘rsatkichlari bilan alohida farq qiladigan gruntlarning xususiyatini tajriba yo‘li bilan
tekshirish va to‘g‘on, ko‘tarma tanasiga yaroqli ekanligini aniqlash kerak;
•
gruntning karerdagi zichligiga nisbatan ko‘tarmadagi gruntning zichligi va pishiqligini keskin
oshirish lozim;
•
o‘ziga xos ishlab chiqarish sharoitini va gruntlarning zichlash usullarini aniqlash lozim.
Tajriba uchun ko‘targan ko‘tarmaga yotqizilgan gruntlarni tekshirish natijasida loyihada
qabul qilinadigan gruntning zichlik ko‘rsatkichi aniqlanadi.
Ishchi hujjatlari bosqichida avval o‘tkazilgan yer osti suvlarining sathi va kimyoviy rejimini
o‘rganish ishlari davom ettiriladi. Bunda kuzatuv quduqlari soni qurilish kotlovanlari hisobiga
ortadi. Kuzatuv ishlarining aniqligi ortishi lozim, chunki qurilish davrida yer osti suvlarining sathi
va kimyoviy tarkibi keskin o‘zgarishi mumkin.
Qidiruv va tadqiqot gidrogeologik ishlari quyidagi mazmundagi texnikaviy hisobot tuzish
bilan yakunlanadi va bu hisobot irrigatsion-meliorativ tadbirlar loyihasini gidrogeologik va
injener-geologik jihatdan asoslashga xizmat qiladi.
|
