88
Namlikka talabi. Bug„doy namlikni yaxshi ko„ruvchi o„simlik.
Uning unib
chiqishi va bo„qishi uchun har hil miqdorda suv talab qilinadi. Urug„ o„rtacha
bo„qish uchun 45-56% suvni yutadi. O„simlikning rivojlanishining boshlanishida
ya‟ni ildiz tizimi shakllanayotgan bir paytda tuproqni
yaxshi namlash talab
qilinadi.
Tuplanish davridan boshlab suv sarfi ko„paya boshlaydi va u naychalash va
donning to„lishishi davrida maksimumga ega bo„ladi.
Bu davrda boshoq o„sadi, generativ organlari hosil bo„ladi, don shakllanadi.
Agar suv kam bo„lsa, bug„doy yomon shoxlanadi yoki umuman shoxlanmaydi.
Donning shakllanishida suvning yetishmasligi hamda donning to„lishishida
suvning yetishmasligi urug„ning siyrak bo„lishiga va puch don hosil bo„lishiga olib
keladi.
Mum pishish davrida suvga bo„lgan talabi kamayadi, transpiratsiya
koeffitsienti 460-500 tuproq iqlim sharoitiga qarab bu ko„rsatkich o„zgarib turadi.
Ozuqa elementlariga bo„lgan talabi. Bug„doy
ozuqa elementlariga juda
talabchan. Hosildorlik qancha yuqori bo„lsa, shunchalik oziq moddalar ko„p talab
qilinadi. Bug„doy ekiladigan asosiy zonalarda 1 s
don va shunga mos ravishda
somon hosili uchun 2,5-3,5 kg azot, 0,9-1,2 kg fosfor, 2-3 kg kaliy sarf qilinadi.
Haqiqatda bug„doy o„zi oziq moddalarni ko„proq qabul qiladi, oziq
moddalarning bir qismi ildizlarida qoladi va tushib ketgan barglarda ham qoladi.
Azot va fosfor tuplanish va sut pishish davrida ko„proq iste‟mol qilinadi.
