155
10-bob. HARAKAT VA KUCH
Ahmad qiziq tajriba o‘tkazdi. U ikkita bir xil idishga teng miqdorda suv quydi. Kartoshka
dastlab
birinchi idishga solinganda, u idish tagiga cho‘kdi. Ahmad cho‘kkan
kartoshkani
suvdan olib, ikkinchi idishga solganida kartoshka suv sirtida qalqib qoldi.
Ahmad tajribasining sirini qanday izohlaysiz?
Agar qattiq jismning zichligi suyuqlik zich-
ligidan katta bo‘lsa, jism suyuqlikka cho‘kadi.
Zichligi kam bo‘lgan
jism suyuqlikda suzib
yuradi. Zichligi suyuqlik zichligiga teng bo‘lgan
jism suyuqlik ichida muallaq holda bo‘ladi.
Yer yuzida sho‘r suvli dengiz bor. U O‘lik
dengiz deb ataladi. O‘lik
dengiz Falastin,
Iordaniya va Isroil o‘rtasida joylashgan. Bu
dengiz da inson cho‘milganda cho‘kmaydi,
chunki dengiz suvining zichligi katta. Shuning-
dek, dengiz suvida tuz miqdori yuqori bo‘lgani
uchun unda tirik organizmlar yashamaydi.
