|
2022, №1 “Pedagogik mahorat” Ilmiy-nazariy va metodik jurnalBog'liq pedagogik mahorat 2022 1Asosiy qism. Katta yoshli shaxs muhim hayotiy va kasbiy tajribaga ega bo‘ladi. Kattalar ta’limi
muassasasiga kelgan kishi bilim, talablar, ma’lumot beriladigan obyekt sifatida emas, balki fikrdoshlar
komandasining a’zosi, teng huquqli subyekti sifatida kirib keladi. U o‘zi uchun kerakli va dolzarb
mavzularni aniq bilgani holda ularni qanday o‘rganish yo‘llarini ham to‘g’ri belgilay oladi. O‘zi uchun
kerakli masalalar bo‘yicha ilg’or tajribalarni o‘rganishga harakat qiladi.
Kattalarning ta’limida jamiyatdagi ijtimoiy-iqtisodiy o‘zgarishlar, rivojlanishlarga nisbatan o‘zlarida
mavjud bo‘lgan ma’lumotlarini mustahkamlash, to‘ldirishga bo‘lgan ehtiyojlari mavjud bo‘lib, bu ehtiyojlar
insoniyat ehtiyojlarining asosi hisoblanadi va ko‘p jihatdan kattalar xatti-harakatlari yo‘nalishini belgilab
beradi.
Kattalarning doimiy ravishda o‘z bilim, ko‘nikma va malakalarini yangilab borish zaruriyatini anglab
yetishlari va shu ehtiyojning vujudga kelishi kattalar ta’limida muhim hisoblanadi.
Kattalar hayotida muammolarning yuzaga kelishi ulardan qo‘shimcha bilim, ko‘nikma va malakalarni
o‘zlashtirishlarini talab etishi, ma’lum bir yoshdagi odam o‘zining ma’lumotlar bazasi va doirasiga egaligi,
yoshidan qat’iy nazar, insonning ta’lim olishga nisbatan qobiliyatining mavjudligi kattalar ta’limining o‘ziga
xos xususiyatlaridir.
Katta yoshdagi insonlarning ta’lim olishi yuzasidan psixologik xususiyatlari:
• o‘qiyotgan narsasining ma’nosini to‘liq anglab olish ehtiyoji;
• mustaqil bo‘lish ehtiyoji;
• bilimlarni egallashga nisbatan yetilgan zaruriyatning mavjudligi;
• o‘z shaxsiy darajasi va mavqeini oshirishga harakatning mavjudligi;
• egallagan bilimlarini amaliy yo‘naltira olish malakalarining mavjudligi.
Taraqqiyotning turli davrlarida shaxsning psixik funksiyalari notekis rivojlanadi. Masalan, ma’lum bir
davrlarda xotira (18-21 yosh) jadal rivojlansa, boshqa davrlarda tafakkur (22-25 yosh) jadal rivojlanadi.
https://buxdu.uz
|
| |
