Sisterna-termos doshqozoni tashqaridan alyumin qotishmasi bilan izolyasiyalangan bo‘lib MРТ-35 shisha tola bilan o‘ralgan (9.7-rasm), bashqi tomonidan 300 mm qalinlikdagi mipora bilan qoplangan. U 1 minbarcha, 2 to‘siq, 3 kojux, 4 yuqorigi tuynugi diametri 570 mm, ochib qo‘yiladigan 5 qopqoq, 6 issiqlik izolyasisi qatlami, 7 po‘lat qoplama, elliptik 8 tubi qalinligi 16 mm, 9 doshqozonni silindrik qismi pastki qismi qalinligi 16 mm, yuqorigisi 14 mm, 10 avtossepka uskunasi, ikkita 11 telejka modeli 18-100, 12 rama, 13 havotaqsimlagich № 483-000, 14 dastagi, 15 narvon, 16 dastakli turish tormozi, 17 taranglovchi mufta, 18 tortuvchi xomutdan tashkil topgan. Ular sutni tashqi havo +30˚S yozda, -40˚S qishda 24 soat yuqori sifatli saqlanishini ta’minlaydi.
9.7 – rasm. Sut tashish uchun sisterna
Doshqozon uch seksiyadan iborat bo‘lib, sisternani 2 xil tashiluvchi suti bilan yoki turli sifatdagi sutlarning birdan yuborilish imkonini beradi. Barcha seksiyalar tuynuklari rezinali zich birlashtirish uskunasidan, sutni quyish quvuridan, quyish vaqtida hosil bo‘luvchi havoni chiqarish jo‘mragidan, nasosni ulash uchun shtutserdan, sutning to‘lalik darajasini ko‘rsatuvchi po‘kakdan va sisternani ikki tomonidan chiquvchi pastki tushirish quvuridan iborat, so‘nggilari jo‘mrak va ovozni so‘ndiruvchi bilan berkitiladi. Doshqozon mipora bilan izolyasiyalangan. U perfol bilan o‘ralgan va tashqaridan po‘lat qobig‘ bilan ximoyalangan. Izolyasiya qobig‘i qalinligi 300 mm ni tashkil qiladi. qobig‘ fil suyagi rangida , pastki qismi esa – to‘q rang bilan bo‘yalgan bo‘lib, doshqozon ikki tomonodan «СУT» (MOLOKO) degan yozuvi bor.
Sut tashish sisternalari refrijerator vagonlarga nisbatan bidonlarda tashilgani uchun, sof og‘irlik koeffitsientiga ega, vagon yuklamasidan unumli foydalaniladi, yuklash va yukdan bo‘shatish davomiyligi hamda mehnat sarfliligini kamaytirishi, uning to‘kilishi va joylashuvi berk usulda bajarilishi sut sifatini yanada yaxshi saqlash imkonini beradi.
|
