|
3 (79) 2021 pedagogik mahorat
Pdf ko'rish
|
| bet | 101/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yil3 (79) 2021
PEDAGOGIK MAHORAT
79
g’oyaviy e’tiqod ularning faoliyatlarini to‘g’ri o‘zanga yo‘naltirib turadi. Ijtimoiy hayotdagi (ayniqsa
ijtimoiy tarmoqlarda ro‘y berayotgan) hodisalarga baho berishda kuchli mafkuraviy qalqon vazifasini
bajaradi.
G’oyaviy e’tiqod shaxsning yurish-turishiva faoliyatini boshqarib, inson xatti-harakatlari va
faoliyatining motivi sifatida namoyon bo‘ladi. Qat’iy g’oyaviy e’tiqodga ega bo‘lgan kishilar har qanday
murakkab vaziyatda, har qanday sharoitda to‘g’ri yo‘l topa oladilar, o‘z bilim va e’tiqodlariga tayangan
holda ijtimoiy munosabatlarning keskin jarayonida undan mohirona foydalana oladilar. G’oyaviy e’tiqodni
shakllantirish yoshlarning ilm va bilimni ongli ravishda o‘zlashtirishga bo‘lgan ishtiyoqini oshiradi.
Mazkur masalaning mohiyati xususida Prezident Shavkat Mirziyoyev yoshlarga murojaatida “O‘z
tajribamdan kelib chiqib, sizlarga aytadigan maslahatim shu: ilmni qadrlang! Bir soniya vaqtingiz ham bekor
o‘tmasin! Yoshlik – umrning bebaho davri. Ilm va bilim – o‘tda yonmaydigan, suvda cho‘kmaydigan, hech
kim sizdan tortib ololmaydigan boylik ekanini unutmang!”, deb ta’kidladi. Demak, yoshlarni avvalo aniq,
ilmiy asoslangan bilimlar bilan qurollantirish talab etiladi. Albatta, yoshlarga yaratilgan keng imkoniyatdan
to‘g’ri foydalangan holda bilim va ilm olishga sobitqadamlik bilan intilishlari zarur. Ular olgan bilimlarni
chuqur o‘zlashtirishlari,haqqoniy va astoydil egallashlari hamda har qanday vaziyatda qat’iy turib intilishni
kuchaytirishlari kerak. Agar yoshlarning bilimlari sayoz, mavhum yoki xato bo‘lsa, bu holat ularning xulosa
chiqarishlariga, yuz berayotgan voqea va hodislarga xolisona baho berishlariga to‘sqinlik qiladi.
Shu tarzda, bilim olishga asoslangan g’oyaviy tarbiya yosh avlodda mustahkam g’oyaviy e’tiqod,
sog’lom dunyoqarash, ilmga intilish, yuksak ma’naviy fazilatlar, ijtimoiy faollikni tarkib toptirib, mafkuraviy
tahdidlarning har qanday ko‘rinishiga nisbatan murosasizlikni shakllantiradi.
|
| |
