|
3 (79) 2021 pedagogik mahorat
Pdf ko'rish
|
| bet | 335/344 | | Sana | 07.12.2023 | | Hajmi | 3,37 Mb. | | #113345 |
Bog'liq Pedagogik mahorat 3-son 2021 yilAsosiy qism. Yurtimizda va jahon sporti amaliyotida toʻplangan ilg‘or pedagogik tajribalar sportchilar
tayyorlash tizimining turli bosqichlarida tashkil etilgan musobaqa faoliyatini natijaviyligi oʻquv-
mashg‘ulotlari jarayonlarini toʻg‘ri rejalashtirish va boshqarish samaradorligi bilan toʻg‘ridan-toʻg‘ri
bog‘liqligini koʻrsatadi. Ammo bugungi kunda erkaklar oʻrtasida oʻtkaziladigan jahon va Osiyo
chempionatilarida yengil atletikaning qisqa, oʻrta va uzoq masofalarga yugurish turlari boʻyicha qoʻlga
kiritilgan natijalarini Oʻzbekistonlik sportchilar koʻrsatgan natijalari bilan qiyosiy tahlil etganimizda ular
oʻrtasida sezilarli farq borligi aniqlandi. Bunday sport natijalarining qayd etilishi sportchilarimizning
tayyorgarligida oʻziga xos kamchiliklar mavjudligini koʻrsatadi. Bunda birinchidan, ular bilan
oʻtkazilayotgan sport mashg‘ulotlarini rejalashtirishda yuklamalarni toʻg‘ri taqsimlanmasligi sabab boʻlsa,
ikkinchidan, mashg‘ulot vosita usullarini tayyorgarlik bosqich va davrlariga mos ravishda qoʻllanmasligidir,
uchinchidan, sportchilarni saralashda yoʻl qoʻyilayotgan xatoliklar boʻlsa, toʻrtinchidan, ularni jimoniy
rivojlanishi, jismoniy funksional holati, texnik-taktik tayyorgarligini inobatga olinmasdan mashg‘ulotlarni
tashkil etilishi qisqa, oʻrta va uzoq masofalarga yuguruvchi sportchilarni tayyorlash samaradorligini
pasayishiga olib kelmoqda.
Yuqoridagi muammolarni hal etish va yechimini topishda yetakchi olimlardan V.N.Nikitushkin,
F.P.Suslov, (2017-y), V.K.Balsevich va boshqalar sportchilar tayyorlash tizimini optimal rejalashtirishni
takomillashtirish boʻyicha qator ilmiy tadqiqotlar oʻtkazishgan boʻlsa V.V.Ivochkin va boshqalar (2009-y),
Yu.G.Travin, O.I.Pavlova, V.B.Zelechonok va boshqalar, Yu.V.Verxoshanskiy yengil atletikachilarni yillik
mashg‘ulotlarini tuzilishi va koʻp yillik tayyorgarlik bosqichlarida sportchilarni tayyorgarlik texnologiyasi
boʻyicha qator ilmiy tadqiqotlar olib borishgan. Ammo ularning ishlarida yuklamalar hajmini umumiy tarzda
berib oʻtishgan. Yuklamalarni rejalashtirish boʻyicha bergan ma’lumotlarida yugurish shiddati, takrorlanish
sonlari aniq me’yorlari yosh xususiyatlari boʻyicha koʻrsatilmagan va koʻp yillik mashg‘ulotlarni
rejalashtirish dasturlari umumiy holatda yoritilganligi aniqlandi.
https://buxdu.uz
|
| |
