|
CL-C 3 modelidagi uch barabanli tozalagichBog'liq 3 маруза (1)CL-C 3 modelidagi uch barabanli tozalagich
Mazkur tozalagichda ignali, arratishli organlar birga qo‘llanilgan bo‘lib, tozalash tizimi
qisqaligi bilan ajralib turadi. Ushbu mashina kalta va o‘rta tolali paxtani tozalashda samarali
ishlatilmoqda. SLYeANOMAT sistemasidagi tozalagichlarni mahsulot bilan ta’minlashda
ta’minlovchi aralashtiruvchi, bunkerli qurilma, tituvchi tozalovchi va aralashtiruvchi mashinalar
ishlatilishi mumkin. Tozalagichda texnologik jarayon quyidagicha amalga oshadi.
Transportyor ustiga to‘shalgan tola bo‘lakchalaridan bir tekis qalinlikka ega bo‘lgan qatlam
ezuvchi valik yordamida hosil qilinadi. Zichlangan tolali qatlam ezuvchi valik va ta’minlovchi
silindrlar yordamida birinchi qabul barabaniga uzatiladi. Uning sirti ignali bo‘lib, unda dastlabki
tarash (tozalash) amalga oshadi. Uning sirtidan tolalar soat strelkasi bo‘yicha aylanuvchi
ikkinchi tozalovchi qabul barabaniga o‘tadi. Bu barabanning sirti arra tishli garnitura bilan
qoplangan. Uchinchi barabandan chiqayotgan tola bo‘lakchalari 80% gacha alohida tolalarga
ajratilganligi tufayli havo oqimi yordamida osongina garnitura tishlaridan ajratib olinadi.
Birinchi va uchinchi baraban ostiga, ikkinchi barabanning ustiga tozalovchi moslama o‘rnatilgan
bo‘lib, u uruvchi pichoq, yo‘naltiruvchi parrak va so‘ruvchi qurilmadan iborat. Ushbu moslama
titilgan va maydalangan tola bo‘lakchalaridan nuqsonlarni ajralishiga xizmat qiladi.
Aerodinamik tozalagichlar
Aerodinamik tozalagichlarning vazifasi tolani chang va kalta tolalardan tozalashdan
iborat. Aerodinamik tozalagichlarning ishlash prinsipi ikki xil bo‘lib, ularning birinchisi metall
parchalari va boshqa og‘ir jismlar inersiya kuchi tola inersiyasidan farqlanishiga, ikkinchisi esa
perfosirtlarning ikki tomonida havo bosimining farqlanishiga asoslangan. Aerodinamik
tozalagichlar bunkerli yoki quvurli ko‘rinishda bo‘lishi mumkin.
Asosiy tozalash mashinalarida qisilgan yoki erkin holatda harakatlanayotgan tolalar
takroriy zarbiy kuchlar ta’sirida jadal titilib samarali tozalanadi.Asosiy tozalash mashinalari bir,
ikki, uch va to‘rt barabanli bo‘lib, ular ignali va arra tishli garnituralar bilan jihozlangan. Tola
shikastlanmasligi uchun barabanlar tezligi 15 % oshirilib, dastlab yirik va siyrak ignalar so‘ngra
o‘rtacha zichlikdagi va oxirida esa mayda zich arra tishli garnituralar qo‘llaniladi. Titilish
darajasi bu mashinalarda 0,1 mg ni tashkil kiladi.
Asosiy tozalash mashinalarida tolalarning bir ishchi organdan ikkinchisiga
shikastlanmasdan o‘tishini ta’minlash maqsadida garnituralarning kiyalik burchagi birinchisidan
oxirgisiga qarab kamaytirilgan.
Asosiy tozalagichlarning ishlashi chimdib titishga, ya’ni ishchi organlarida qisilgan
(ushlab turilgan) tola tutamiga ignali yoki arra tishli sirt bilan ta’sir ko‘rsatishga asoslangan.
Asosiy tozalash mashinalariga UNIflex B60 (Rieter), CL-C 1, CL-C 3, CL-C 4
Sleanomat sistemasi (Trutzschler), V 37, V 38 (Marzoli) modellari misol bo‘la oladi.
|
| |
