6-Ma’ruza. Transport logistikasida yuk tashish tizimlari reja

Intermodal tashishlar - yuklarni bitta yuk birligida (konteynerlar) yoki bir necha transport turidan foydalanib, transport vositasida yuk birligini qayta shakllantirmasdan harakatlanishidir. Bunda tashishni tashkil qilgan shaxs, yagona hujjatni rasmiylashtirishda nechta transport turi qatnashganidan qat‘iy nazar yuk uchun javobgar bo‘ladi. Tashishni bu turi yuklarni yagona transport bo‘limida, ya’ni konteynerda tashishni ko‘zda tutadi. Masalan, O‘zbekiston Respublikasi Tashqi iqtisodiy aloqalar, sarmoya va savdo-sotiq Vazirligining Oq-oltin terminalidan (Guliston shaxri yaqinida) (Batumi) Poti portiga, Guliston - Samarkand - Buxoro - Olot p --Chorjou- Turkmanboshi port - Boku porti (paromda) -Poti porti(Batumi). Yoki Angrendan chiqadigan konteyner (sirlangan cho‘yan vanna) Chikago (AQSH) ga yetkaziladi. Bu yerda oldin avtomobil, dengiz, keyin esa Boston portidan Chikagogacha avtomobil yoki temir yo‘l transportida yetkaziladi. Multi va intermodal tashishlarni mamlakatdan tashqarida amalga oshirib, (eksport-import operatsiyalarda) yuklarni rasmiylashtirish ishlarida bojxona operatsiyalari hamda transport qonunchiligi va yukni olib o‘tish marshruti bo‘yicha tashishda tijorat huquqiy aspektlari (jihatlari) muhim ahamiyat kasb etadi.