Umumiy ma’lumot
Metallarni bosim bilan ishlashda zagotovkadan buyumning
talab etilgan shakli qo‘yilgan tashqi kuch ta’sirida
zagotovkaning ayrim xajmlarini qayta taqsimlash
natijasida
hosil qilinadi. Metallarni bosim bilan ishlash shu
metallarning plastikligidan foydalanishga asoslangan.
Metallarning plastiklik xossasi ularning xiliga, ximiyaviy
tarkibiga, ishlov berish xarakteriga bog‘liqdir. Toza
metallarning plastikligi eng yuqori, qattiq eritmalarniki
undan pastroq, ximiyaviy birikmalarning plastikligi esa eng
past bo‘ladi.
Metallarni bosim bilan ishlashda temperatura ko‘tarilgan sari
ularning plastikligi ortadi, deformatsiyaga
qarshilik
ko‘rsatishi esa pasayadi.
Metallarni bosim bilan ishlash oldidan qizdirish natijasida plastiklik 12
marta ortishi mumkin. Barcha metallarning plastikligi erish
temperaturasiga yaqin temperaturalar zonasida ancha pasayadi. Po‘lat
uchun 300-400
o
C oralig‘ida va fazalar o‘zgarishi intervalida (perlitning
austenitga, austenitning esa perlitga aylanish intervalida, holat
diagrammasidagi P va G chiziqlari oralig‘ida) sodir bo‘ladi.
Deformatsiya tezligining ortishi plastiklikning pasayishiga olib keladi,
ammo bunda deformatsiyaning issiqlik effektini hisobga olish kerak
bo‘ladi, bu issiqlik effekti esa plastik deformatsiya uchun sarflangan
energiyaning issiqlikka aylanishi natijasida metalning qizishidan va
issiqlikning metaldan atrofdagi muxitga tarqalishidan iborat. Shuning
uchun tezlik va temperatura faktorlarini birga olib qarash va metallarni
bosim bilan ishlashda temperatura-tezlik sharoiti deb suzlash qabul
qilingan.
Metallarga kuch ta’sir etganda oldin elastik va kuchni ortishi esa
plastik deformatsiyaga olib keladi. Ma’lumki metall va qotishmalar
kristallik panjaralardan iborat, ular uzaro turg’un bo‘lib har bir metall
uchun aniqdir.
Plastik deformatsiyalanishda atomlar oralig’ida masofa ortib, uning
qiymatidan ortib ketadi. Plastik deformatsiyalanish natijasida kristall
panjaralarda siljish yoki ikkilanishlar hosil bo‘ladi.
Siljish natijasida kristall panjara buziladi va donalar maydalanadi, bu
esa shu zonada metallning puxtalanishiga olib keladi. Atomlarning
siljishi, kristall panjaraning buzilishi metallda anchagina ichki
kuchlanishlar hosil bo‘lishiga olib keladi. Bunda metalning qattiqligi,
puxtaligi ortib, plastikligi pasayadi. Metallning plastik
deformatsiyalanishidan so‘ng puxtalanishi naklyop deyiladi.