EFTdan supermarketlardagi kassalarda foydalaniladi; hali
ham naqd pul orqali toʻlash mumkin boʻlsa-da,
debet yoki
kredit karta orqali toʻlash usuli afzal koʻriladi. Karta savdo
nuqtasi (POS) terminalidagi
karta riderga kiritiladi, soʻng, xuddi
xodimning ish haqi oʻtkazilgani kabi, mablagʻ
karta egasining
hisob raqamidan supermarket hisob raqamiga elektron tarzda
oʻtkaziladi.
Individual mijozlar ham internet bankingdan foydalanib oʻz
bank talablarini amalga oshirayotganida EFTdan foydalanishi
mumkin.
Mijozdan shaxsni tasdiqlash tekshiruvidan oʻtish soʻraladi,
soʻng undan oʻz hisob raqamidan pulni oʻtkazmoqchi boʻlgan
aniq hisob raqamni koʻrsatish soʻraladi. Kerak boʻladigan
boshqa maʼlumotlar faqatgina bank kodi va mablagʻ
yuborilishi kerak boʻlgan hisob raqamidir. Soʻng oʻtkazmalar
darhol amalga oshiriladi.
Bankomatlar
Bankomat (ATM - Automated Teller Machine) –
bu banklar
tashqarisiga va boshqa manzillarga oʻrnatilgan mashina
boʻlib, bankka kirmasdan turib
naqd pul yoki chek yechib
olish va qoʻyish, hisobingiz va toʻlov hisoblarini tekshirish
kabi tranzaksiyalarni amalga oshirish imkonini beradi.
Bankomatlarda mobil telefon hisobini toʻldirish yoki
foydalanish tilini tanlash kabi boshqa koʻplab
xizmatlar ham
mavjud.
Mijoz bank tomonidan berilgan plastik karta va PIN-koddan
(shaxsiy identifikatsiya raqami)
foydalanib, shaxsini tasdiqlashi
kerak boʻladi.
Ushbu jarayonlarning barchasi
real vaqt rejimida bajariladi,
chunki hisob kechikishlarsiz tekshirilishi va yangilanishi
kerak.
