Ichki oʻrnatilgan funksiyalar oʻqituvchilarga oʻquvchining
oʻzlashtirish darajasini kuzatish uchun maʼlumotlarni
filtrlash
imkonini beradi. Baʼzi murakkab tizimlar xodimlarni ehtimoliy
oʻzlashtirishdan ortda qoluvchilar haqida avtomatik tarzda
ogohlantiradi, shunda ortda qolayotgan oʻquvchilar eʼtibordan
chetda qolmaydi hamda barcha oʻquvchilar eng kerakli paytda
zarur boʻlgan yordamni olishlari mumkin.
Imtihonlar baʼzi imtihon
kengashlari talabiga binoan
tashkillashtiriladi. Maktab boshqaruv tizimi tizimga kiritilgan
maʼlumotlar asosida bu bilan bogʻliq barcha vazifalarni
bajarish imkoniyatiga ega. Yaqinlashayotgan imtihonni
barchaga eslatish uchun imtihon kengashlari, xodimlar,
oʻquvchilar va ota-onalarga avtomatlashtirilgan elektron
pochta xabarlari yuboriladi. Imtihonlarni topshirish uchun
oʻquvchilardan kompyuterda faqat xavfsiz kirish maʼlumotlari
orqali kirish talab etiladi. Baʼzi
hollarda ular imtihonni
tugatishlari bilan natijalar haqida xabardor qilinadi. Biroq
hozirda barcha imtihonlar ham onlayn tarzda va talab asosida
oʻtkazilmaydi.
Xuddi shuningdek, dars jadvallarini yaratish va oʻquv
mashgʻulotlarini tashkillashtirish
yoki dars jadvallariga
oʻzgartirish kiritish ishlari ham, shunchaki, tizimga baʼzi
muhim maʼlumotlarni kiritish orqali maktab boshqaruv
tizimi tomonidan bajariladi. Tizimga oʻrnatilgan
formulalar
va funksiyalar xatolardan xoli dars jadvallarini ishlab chiqadi.
Xuddi shu kabi jadvallarni xodimlarning oʻzlari tuzishiga
toʻgʻri kelganda, koʻpincha mukammal versiyani yaratishni
uddalashlaridan oldin jadvalni bir necha bor qayta koʻrib
chiqishlariga toʻgʻri kelgan. Dars jadvallariga oʻzgartirishlar
kiritish ham samaraliroq tarzda
amalga oshiriladi hamda
tizim elektron pochta va mobil telefon ogohlantirishlari kabi
elektron aloqa usullari yordamida barcha tegishli tomonlarni
bundan xabardor qila oladi.
