|
9-sinf Informatika va axborot texnologiyalari
Pdf ko'rish
|
| bet | 125/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikSayohat dasturlari
Sayohat sohasi alohida mijozlar tomonidan internet yoki
sayohat agentlari yordamida biror narsani band qilish /
buyurtma qilish imkonini beradi. Mijozlar uchun biror narsani
band qilish xuddi sayohat agentliklaridan foydalanishdek
oson, lekin koʻplab mijozlar taʼtil band qilishda sayohat
agentliklaridan foydalanishda davom etmoqda.
Sabablari quyidagilar:
• Baʼzi mijozlar internetga kirish imkoniyatiga ega emas.
• Sayyohlik agentlari sayyohlik kompaniyasining
bankrotligiga qarshi sugʻurtalangan. Agar mijoz taʼtilni
oʻzi buyurtma qilsa, pullarini qaytarib olishga qiynalishi
mumkin yoki agar bu ular taʼtilda boʻlganda yuz bersa,
qiyinchiliklarga uchrashi mumkin.
• Jarayon kinoga chipta buyurtma qilishdan ancha
murakkabdir va AKT savodxonligi juda yaxshi boʻlmagan
baʼzi kishilar uchun bu juda qiyin boʻlishi mumkin.
Aviakompaniyalar odatda yoʻlovchilarni internet orqali chipta
buyurtma qilishga undaydi. Internet orqali buyurtma qilish
chiptalar narxini pasaytirish imkonini beradi. Buyurtma
muvaffaqiyatli amalga oshirilgandan keyin yoʻlovchiga
buyurtma raqami beriladi va u elektron pochta orqali
yuboriladi. Undan onlayn roʻyxatdan oʻtish uchun foydalanish
mumkin, bu esa aeroportda vaqtni tejaydi.
6.09 Bank dasturlari
Elektron pul oʻtkazmalari
Kompaniya uchun ish haqi vedomosti tuzish jarayonining bir
qismi quyidagidan iborat: xodim hafta davomida ishlab topgan
summa hisoblanganidan keyin kompyuter pulni xodimning
bank hisob raqamiga oʻtkazilishini tashkillashtiradi. Bunda
naqd pul bankka olib borilib, peshtaxta osha toʻlanmaydi.
Mablagʻlarning bunday harakati
elektron pul oʻtkazmalari
(EFT – electronic fund transfer) deb ataladi. Kompaniyaning
bankiga pulning kompaniya hisobidan yechilishi soʻralgan EFT
xabari yuboriladi. Soʻng xodimning bankiga tegishli miqdordagi
mablagʻ xodim hisob raqamiga qoʻshilishi kerakligi qayd
etilgan AFT xabari yuboriladi. Maʼlumotlar oqimi 6.18-rasmda
koʻrsatilgan.
|
| |
