3 Nazorat ostidagi jihoz. Mikroprotsessor isitish qozoni
(isitish tizimi uchun) yoki konditsionerni (sovitish tizimi
uchun) nazorat qilishi kerak.
4 Odatiy ishlash jarayoni. Dastlab
mikroprotsessor vaqtni
oʻzidagi soat yordamida foydalanuvchi tizimning yonishi
uchun oʻrnatgan vaqt bilan tekshiradi. Tizim shu vaqtga
yetib, yonganida mikroprotsessor
vaqtni foydalanuvchi
tizimning oʻchishi uchun oʻrnatgan vaqt bilan solishtiradi.
Tizim shu vaqtga yetgach, oʻchadi va mikroprotsessor
tizimni yoqish kerak yoki yoʻqligini koʻrish
uchun yana
vaqtni taqqoslashga qaytadi.
Tizim yoniq payti harorat sensoridagi haroratni oʻqiydi va
uni oldindan oʻrnatilgan, kerakli harorat bilan solishtiriladi.
Agar harorat juda past boʻlsa (isitish tizimi), u xona
yetarlicha iliq boʻlguniga qadar isitish qozonini yoqib
turadi. Agar harorat juda yuqori boʻlsa (sovitish tizimi), u
xona yetarlicha salqin boʻlguniga
qadar konditsionerni
yoqib turadi.
5 Oʻlchash oraligʻi. Tizim yoniq payti mikroprotsessor
harorat sensorini doimiy ravishda nazorat qilib turishi
kerak, lekin isitish qozoni
yoki konditsionerning xona
haroratini oʻzgartirishi vaqt oladi, shu sababli oʻlchash
paytida kechiktirish vaqti besh daqiqa atrofida boʻlishi
kerak.
6 Xatolik yuz bergan hollarda. Agar harorat oʻzgarmayotgan
boʻlsa, bu deraza ochiqligini, isitish qozoni toʻgʻri
isitmayotganini yoki konditsioner
buzilganini anglatishi
mumkin. Mikroprotsessor tizimning haroratni
boshqarishga qodir emasligi haqida foydalanuvchiga
xabar berish imkoniyatiga ega boʻlishi kerak.
Kompyuter tomonidan boshqariladigan aksariyat qurilmalar
ushbu qoidalarga bir xil tarzda amal qiladi. Odatiy markaziy
isitish tizimi kontrollerida foydalanuvchi
kerakli haroratni,
shuningdek, tizimning yonish va oʻchish vaqtlarini oʻrnatadi.
Mikroprotsessor foydalanuvchi kiritgan oʻrnatgan maʼlumotlar
va sensor koʻrsatkichlari asosida qaror qabul qiladi.
