|
9-sinf Informatika va axborot texnologiyalari
Pdf ko'rish
|
| bet | 164/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikXizmat koʻrsatish
Tizimdagi oʻzgarishlarning ushbu uzluksiz jarayoni
xizmat
koʻrsatish deb ataladi va tizimning butun xizmat koʻrsatish
davri davomida amalga oshiriladi. Xizmat koʻrsatishning uchta
shakli bor:
• Xatolarni tuzatish (rejali xizmat koʻrsatish): har
qanday murakkab dasturiy taʼminot ishlashida baʼzan
xatolar kuzatiladi. Dasturiy taʼminotdagi xatolar “baglar”
deb ataladi. Tizimni qoʻllab-quvvatlovchi xodimlar bu
xatolarni topishi va ularni tuzatishi kerak.
• Qoʻshimcha funksional imkoniyatlar (moslashuvchan
xizmat koʻrsatish): har qanday tashkilotda oʻzgarishlar
sodir boʻladi. Original muammo, uni tuzatish uchun
yaratilgan tizim ishlay boshlagandan keyin oʻzgargan
boʻlishi mumkin. Tizimdan boshqa qoʻshimcha vazifalar
ham talab qilinishi mumkin. Masalan, avvalroq shu bobda
keltirilgan misoldagi imtihon kengashi oʻz faoliyatini
kengaytirib, boshqa mamlakatda ham ish boshladi,
deylik. Ushbu mamlakat rasmiylari natijalarning nomzod
boʻlgan markazlarga muvofiq emas, balki berilgan baholar
tartibida taqdim etilishini istashi mumkin.
• Samaradorlikni yaxshilash (mukammal xizmat
koʻrsatish): tashkilotlar odatda jarayonlarni tezlashtirishni
yoki ularning samaradorligini oshirishni istaydi. Yoki tizim,
masalan, foydalanuvchilar bazasining kengayishi yoki
qayta ishlanayotgan mahsulotlar soni koʻpayishi bilan
shunchaki oʻzining dastlabki imkoniyatlaridan tashqariga
chiqib ketgan boʻlishi mumkin. Tizim tahlilchisi ushbu
muammolarni hal qilish usullari haqida oʻylashi kerak.
Bu usullar uskunalarni oʻzgartirish (masalan, yuqori
samaradorlikka ega serverlar; 7.05-rasmga qarang) yoki
dasturiy taʼminotdagi oʻzgarishlar, masalan, tekis fayllar
oʻrniga relyatsion maʼlumotlar bazasidan foydalanishdan,
iborat boʻlishi mumkin.
Ushbu moduldagi uchta dastur misollari ajratib
koʻrsatilgan 1-savolga qarang. Keyin sinfingiz bilan ushbu
dasturlarning har birida qanday auditoriya boʻlishi,
foydalanuvchi va texnik yoʻriqnomalarning har birida
qanday kontent boʻlishi kerakligini muhokama qiling.
|
| |
