auditoriya yosh bolalardan iborat boʻlib, maqsad ularning
eʼtiborini keyingi bandga tortish boʻlsa, u holda tovushdan
foydalanish mumkin. Ammo slaydlarda
tez-tez tovushdan
foydalanish doim ham maqsadga muvofiq boʻlavermaydi.
Slaydlarga elektron jadvaldan import qilingan
diagrammalarni joylash
Yuqori sifatli taqdimotlarni tayyorlashda diagrammalar
juda qoʻl keladi. Chunki bunda raqamli maʼlumotlar grafik
shaklda namoyish etiladi va maʼruzachi oʻz nutqi yoki
izohida diagrammasiz holatdan farqli oʻlaroq, baʼzi
jihatlarni
aniqroq tushuntirishi mumkin. Agar jadvalli maʼlumotdan
foydalansangiz, inson miyasi uni xuddi shu maʼlumot
diagramma yoki grafika koʻrinishida berilganidan koʻra
qiyinroq qabul qiladi.
Diagrammalarni slayd-taqdimotga elektron jadvallar bilan
ishlash dasturidan import qilishda bir nechta jarayon bor.
Buning eng oson yoʻli diagrammani elektron jadvaldan
nusxalab, uni bevosita taqdimotingizning kerakli slaydiga
joylashdir. Muqobil yoʻli – diagrammani “Insert” panelidan
taqdimot dasturingizga “joylash”dir.
Bunda avtomatik tarzda
alohida oyna ochiladi. Unda ham taqdimotingiz oynasi, ham
elektron jadval oynasi boʻladi. Shundan soʻng diagrammani
tuzish uchun elektron jadvalingizdagi maʼlumotni tahrir qila
olasiz. Maʼlumotlarni tahrirlagan sari u taqdimot dasturingizda
avtomatik tarzda oʻzgaradi (19.12- va 19.13-rasmlarga qarang).
Elektron jadvalda ochilayotgan diagramma
turini istalgan vaqt
oʻzgartirishingiz mumkin.
19.12-rasm. Elektron jadvalning B2 katagidagi maʼlumotni
oʻzgartirishdan oldin.
19.13-rasm. Elektron jadvalning B2 katagidagi maʼlumotni
oʻzgartirishdan keyin.
Maʼlumotlar qatorini formatlashingiz, kategoriyalar yoki
maʼlumot qatorlarini qoʻshishingiz, keraksizlarini oʻchirishingiz,
nomini oʻzgartirishingiz mumkin. Diagrammani bu usulda
slaydingizga import qilish ancha qulay. Chunki uni yaratish
mobaynida diagramma qanday koʻrinishga ega boʻlayotganini
koʻrishingiz va auditoriyangizga
mos kelish-kelmasligini
inobatga olishingiz mumkin.
