90
2.Minoganing bosh miyasining tuzilishini o’rganish va rasmini
chizish.
Tashqi ko’rinishi:
Ilonsimon
tana uch qismdan - bosh, tana va
dumdan tashkil topgan. Tana qismlari aniq chegarasiz bir-biriga o’tadi.
Boshining ikki yon tomonida bir juft ko’zi, ular orasida toq burun teshigi
joylashgan. Boshining ikki yon tomonida yettitadan jabra teshigi bor.
Orqa tomonida oldingi va keyingi toq orqa suzgich qanotlari joylashgan.
Gavdasining ostida, tana bilan dum qo’shilgan yerda chiqaruv teshigi va
siydik tanosil teshigi joylashgan.
Teri qoplagichlar yumshoq bo’lib, unda
tashqi skeletdan asar xam
yo’k. Tana bir qancha hujayrali bezlar bilan qoplangan.
Skeleti asosan tog’aydan tashkil topgan. O’q skeleti vazifasini
umrbod saqlanadigan xorda bajaradi. Xorda
va orqa miya biriktiruvchi
to’kimali parda bilan o’ralgan.
Bosh skeleti miya qutisi, og’iz oldi voronkasi
skeleti va visseral
apparat skeletidan iborat. Miya qutisi bosh miyani ostidan,
yonidan va
qisman ustidan o’rab turadi.Visseral skelet jabra qutisidan, skeletsimon
tog’aydan va ko’z osti yoydan iborat. Jabra qutisining o’zi tog’ay
panjarasidan iborat. Jabra qutisiga yurak oldi tog’ayi tegib turadi.
