28
ATEBN quyidagilarga majbur:
– jangovar boshqaruv signallarining, barcha turdagi axborotlarning belgilangan
nazorat muddatlarida o‘tishini ta’minlash bo‘yicha, hamda aloqaning, aloqa, QABT va
MTT vositalarining, aloqa kanal(liniya)larining barqaror ishlashini ta’minlash bo‘yicha AT
elementi navbatchi smenasi harakatlariga rahbarlik qilishga;
– jangovar boshqaruv signallari, o‘ta muhim axborotlar qabul qilinganligi va
uzatilganligi haqida ATBNga (axborotlarning o‘tishi nazorati bo‘yicha navbatchiga)
bildiruv berishga;
– jangovar boshqaruv signallarini, o‘ta muhim axborotlarni uzatish (qabul qilish)
uchun va qo‘mondonlikka so‘zlashuvlarni ta’minlash uchun aloqa(apparatura,
kanallar)ning shayligini shaxsan tekshirishga;
– barcha turdagi axborotlarni uzatish (qabul qilish) bo‘yicha JP NHRlari harakatlarini
belgilangan davriylikda nazorat qilishga;
– aloqa yo‘nalishlari yuklamasiga (nagruzka) qarab, AT elementiga kelib
tushayotgan hujjatli axborotlarni JP(stansiya)larga taqsimlanishiga rahbarlik qilishga;
– qabul qilingan hujjatli axborotni ekspedisiyaga (oluvchiga) o‘z vaqtida
yetkazilishini kuzatishga;
– aloqa yo‘nalishlarida yuklama birdaniga oshib ketganda ularni boshqa (kamroq
yuklamadagi) aloqa yo‘nalishlari mutaxassislari hisobidan kuchaytirishga;
– jangovar boshqaruv signallarining, o‘ta muhim axborotlarning ushlanishi,
qo‘mondonlik so‘zlashuvlari ta’minlanmaganligi, aloqa va axborot xavfsizligining,
maxfiylik rejimining buzilishi sabablarini aniqlashga;
– jangovar boshqaruv signallarining, o‘ta muhim axborotlarning barcha ushlanishlari
haqida ATBNga (axborotlarning o‘tishi nazorati bo‘yicha navbatchiga) bildiruv berishga.
