Qiymətləndirmə meyarları
1. Gərginliyi 1000vata qədər olan cərəyan keçiricilərin quraşdırılmasını izah edir;
2. Gərginliyi 1000 volta qədər olan hava xətlərinin və xarici elektrik xətlərinin quraşdırılmasını şərh edir;
3. Özünüdaşıyan izolə olunmuş naqillərin quraşdırılmasını müəyyən edir;
4. Gizli elektrik xətlərinin quraşdırılması haqqında məlumat verir.
Təlim nəticəsi 5: Kabel xətlərinin layihələndirilməsini barədə bilir
Qiymətləndirmə meyarları
1. Layihənin hissələri və ilkin məlumatları sadalayır;
2. Elektrik verilişi xətləri trassasının seçilməsi və axtarışını müəyyən edir;
3. Trassanın profili üzrə cərəyanların yerləşməsini müəyyən edir;
4. Kabel xətləri trassalarının layihələndirilməsinə dair məlumat verir.
Təlim nəticəsi 6: Mühafizə yerlə birləşdirmə şəbəkələrinin quruluşu və quraşdırılmasını bilir
Qiymətləndirmə meyarları
1. Mühafizə yerlə birləşməsini müəyyən edir;
2. Təbii yerlə birləşməni izah edir;
3. Süni yerlə birləşməni izah edir;
4. Elektrik veriliş hava xətlərinin və kabel zirehlərinin yerlə birləşməsini şərh edir.
6
Təlim nəticəsi 1: Hava və kabel xətlərinin konstruksiyası barədə bilir
1.1.1. Hava xətlərinin çəkilməsi haqqında məlumat verir
Hava xətlərinin çəkilməsi
Açıq havada dayaqlar üzərində izolyatorlar vasitəsilə bərkidilərək naqilə elektrik
enerjisinin ötürülməsi və paylanması üçün tətbiq edilən qurğu hava EVX-ləri adlanır. Bu
xətlər gərginlik səviyyəsinə görə 2 yerə bölünür:
1. Gərginliyi 1 kV-a qədər olan hava EVX-ləri,
2. Gərginliyi 1 kV-dan çox olan yüksək gərginlikli hava EVX-ləri.
1kV-a qədər olan alçaq hava EVX-lərinin standartları aşağıdakılardır:
- 127 V; 220 V; 380 V; 500 V; 660 V; 825 V.
Yüksək gərginlikli elektrik xətlərinin gərginlikləri aşağıdakılardır:
- 3 kV; 6 kV; 10 KV; 27.5 kV; 35 kV; 110 kV; 220 kV; 330 kV; 500kV; 750 kV; 1150 kV.
1kV-a qədər hava EVX-ləri dəmiryol yarımstansiyalarının işıqlandırılması və qəsəbələrin stansiyalarının
qidalandırılması üçün istifadə edilir.
Ağac dayaqları hazırlamaq üçün antiseptik ilə hopdurulmuş III növ ağaclardan istifadə edilir. Ağacın
yuxarı hissəsində diametri bir dirəkli dayaqlarda 15 sm-dən, iki dirəkli və A - şəkilli dayaqlarda isə 14 sm-
dən az olmamalıdır. Ağac dayağı yerə basdırmaq üçün əsasən dəmir - beton əlavələrdən istifadə edilir.
Dəmir-beton əlavənin yerə basdırılan hissəsi iki təbəqə bitum ilə örtülür ki, bu da onun işləmə müddətini
artırır.
Əgər ağac dayaq birbaşa yerə basdırılarsa, onu çürümədən qorumaq üçün yerə basdırılan hissəsi
antiseptik pasta ilə örtülür, üstündən isə tol, ruberoid və ya perqamindən bandaj dolanır. Bandaj ağaca
mıx və polad məftillə bərkidilir.
Dayağın basdırılma dərinliyi layihədə göstərilən kimi və ya sorğu ədəbiyyatlarından götürülür. Şəkildə
dəmir-beton dayaqların nümunələri göstərilmişdir.
I kV gərginliyə qədər hava xətlərində iki növ dayaqlardan istifadə edilir: ağac və dəmir - beton.
Hava xəttinə düşən yükün xarakterindən asılı olaraq dayaqlar aşağıdakı kimi olurlar: aralıq dayaqlar -
trassanın düzxətli hissəsində quraşdırılır və xəttə düşən uzununa dartma qüvvəsini qəbul edir; anker
dayaqlar - cay, avtomobil və dəmir yollarının kəsişməsində quraşdırılır və xəttə düşən uzununa dartma
qüvvəsini qəbul edir;
Bucaq dayaqlar - trassanın istiqaməti dəyişən yerdə quraşdırılır; kənar dayaqlar - hava xəttinin əvvəli
və axırında quraşdırılır və bir tərəfli dartma qüvvəsini qəbul edir.
Şəkil 1.1. Hava xətlərinin çəkilməsi
|
