§. PIVO ISHLAB CHIQARISHNING MASHINA-APPARATURAVIY SXEMASI
Pivo ishlab-chiqarishning mashina-apparaturaviy sxemasi 10.2-rasmda tasvirlangan.
Solod ombordan havo-elakli separator 1 ga, keyin shnek 2 bilan tozalangan solod yig'gichiga beriladi. Arpa va boshqa don mahsulotlari ham shnek 2 bilan separator 1 ga, keyin yig'gich 15 ga beriladi.
Don mahsulotlari magnit kolonkasi 4 dan o'tkazilgandan keyin avtomatik tarozi 5 da tortiladi.
Solod ho‘l maydalash qurilmasi 6 da, boshqa don mahsulotlarini maydalash tegirmon dastgohi 16 da amalga oshiriladi. Texnologik
311
maqsadlar uchun suvyig‘gich 10 va 11 dan beriladi. Zator tayyorlash zator tayyorlanuvchi apparat 7 da amalga oshiriladi, unga maydalangan solod o‘z oqimi bilan, maydalangan arpa va boshqa don mahsulotlari shnek 2 yordamida yig‘gich 17 dan beriladi. Shu apparatga reaktor 9 da tayyorlangan va ushlagich 8 da filtrlangan shakar eritmasi yetkaziladi. Zator filtrlash apparati 14 da filtrlanadi. Tiniq suslo va ekstraktni pitradan ajratib olingan suvlar nasos 13 orqali suslo qaynatish apparati 18 ga yuboriladi. Qulmoq ombordan sarflovchi yig‘gich 12 ga, undan porsiyalab, voronka orqali suslo qaynatish apparati 18 ga beriladi. Apparatda suslo va qulmoq belgilangan boshlang‘ich konsentratsiyagacha qaynatiladi. Pivo pitrasi nasos orqali sarflovchi idishga, undan realizatsiyaga yuboriladi.
Issiq suslo suslo qaynatish apparati 18 dan o‘z oqimi bilan qulmoq ajratuvchi apparatga, undan nasos orqali tindirish uchun gidrosiklon apparat 28 ga beriladi. Nasos 20 tindirilgan susloni plastinkali issiqlik almashinuvchi apparat 29 ga yetkazadi, bu yerda u 6 °C gacha sovitiladi, keyin asosiy bijg‘ish apparati 34 tushadi.
Achitqilar toza kulturasini tayyorlash uchun suslo sterilizatorlari 25, 27 va kuchli bijg‘itish apparati 26 ning silindridan iborat qurilma qo'llaniladi. Achitqilar toza kulturasi siqilgan havo bilan bijg'ishga yuboriladigan suslo oqimiga siqib beriladi. Ortiqcha achitqilar asosiy bijg'itish apparati 34 dan vakuum yordamida vakuum moslamasi 31 ga ajralib olinadi. Urug'li achitqilar havo bilan tebranma elak 30 ga tozalash uchun siqib chiqariladi. Tozalangan achitqilar o'z oqimi bilan vakuum moslama 31 ga saqlash uchun yetkaziladi. Vakuum-nasos 32 yordamida ular ishlab chiqarishga yo‘naladi. Achitqilarga quyiladigan suv bak 24 da sovitiladi. Ortiqcha achitqilar vakuum moslama 31 dan o‘tib siqilgan havo bilan yig‘gich 33 ga yo‘naladi va nasos 20 orqali realizatsiyaga yuboriladi. Dezinfeksiyalanuvchi eritmalar yig'gichlar 19, 21, 22 da tayyorlanadi. Filtr 23 da filtrlashdan so‘ng, ular jihozlarni dezinfeksiyalash uchun beriladi.
Yosh pivo apparatlar 34 dan nasos 20 orqali bijg'ishni davom ettirish va yetiltirish uchun mo'ljallangan apparatlar 35 (tanklar) ga yetkaziladi. Yetilgan pivo aralashtiruvchi fonar 36 orqali nasos 37 bilan sovitish uchun plastinkali issiqlik almashinuvchi apparat 38 ga, keyin filtrlash uchun diatomitli filtr 39 dan o'tkaziladi. Navli pivo qo'shimcha
|
