Xavfsizlik texnikasi va sanitariya-gigiena qoidalari

1. Ish o’rniga yorug’lik oldi yoki chap tomonidan tushishi;

2. Kashta tikayotganda to’g’ri va boshni sal oldinga egib o’tirish;

3. Kashta tikishdan oldin, ish o’rnini ko’rib, ortiqcha narsalar bo’lsa yig’ishtirib so’ngra tikishni boshlash;

4. Tikish tugagach hamma asboblarni joy-joyiga qo’yish;

5. Kashta tikayotganda nina, to’g’nog’ich, qaychi va angishvona bilan ishlaganda ehtiyot bo’lishi kerak.

6. Qaychining og’zi ochiq holmasligi, biror kishiga uzatganda uning uchidan ushlab uzatish lozim.

7. Ninani og’ziga olish, ko’ylakka qadab qo’yish, har yerga tashlash, ipsiz qoldirish eng yomon odat. Ninani biroz ipi bilan nina qadag’ichga qadab qo’yish kerak.

Men kashtachilikda sovg’abop buyumlarning naqsh kompozitsiyasini yo’rma chokida tikdim. Yo’rma choki - yo’rmaki, ilmoqli bichiq yoki igna bilan matoning o’ng tomonida halqalar zanjiri hosil qilib tikiladi. Bigizga o’tkazilgan ipak matoning sirtida chap qo’l bilan ushlab turiladi. Sanchilib chiqqan igna bilan esa halqa hosil qilinadi. Yo’rma choklari bilan yirik kashtalarning hoshiyalari, gul va barglarni asosiy shohga ulaydigan bandlar tikilgan. Yo’rma chokdan Samarqand, Buxoro, Qashqadaryo kashtado’zlari ko’p foydalanadi.

So’zana – forscha so’zani deb yuritilib, “igna bilan tikilgan” degan ma’noni bildiradi. So’zana matoga kashta tikib tayyorlangan badiiy buyum bo’lib, xonani bezatish uchun devorga ilib qo’yiladi.