To’g`ri chiziq kesmasini teng ikkiga bo’lish. 2.2-shaklda berilgan AB kesmani teng ikkiga bo’lish ko’rsatilgan. Ixtiyoriy AB kesmani teng ikkiga bo’lish uchun, AB kesmasining A va B uchlaridan ixtiyoriy R radiusli (bu radiusning uzunligi AB kesmaning yarmidan kattaroq ya`ni R>) aylana yoylari chizamiz va bu yoylarning kesishgan nuqtalarini (1 va 2) to’g`ri chiziq yordamida tutashtiramiz.
hosil bo’lgan 1 2 to’g`ri chiziq AB kesmani S nuqtada teng ikkiga bo’ladi.
To’g`ri chiziq kesmasini istalgan teng bo’lakka bo’lish. 2.3-shaklda AB kesmani teng besh bo’lakka bo’lish ko’rsatilgan.
Berilgan AB kesmani teng 5 bo’lakka bo’lish uchun kesmaning biror masalan, A uchidan ixtiyoriy o’tkir burchak ostida nur o’tkazamiz va unga o’zaro teng bo’lgan beshta kesmani, ya`ni A1’=1’2’=2’3’=3’4’=4’5’ larni o’lchab qo’yib 5’ nuqtani topamiz, so’ngra 5’ nuqtani B bilan tutashtiramiz. hosil bo’lgan 5’B to’g`ri chiziqqa parallel qilib 1’ 2’ 3’ 4’ nuqtalardan to’g`ri chiziqlar o’tkazib AB kesmasi bilan kesishgan 1; 2; 3; 4 nuqtalarni aniqlaymiz. Natijada A1=1 2=2 3=3 4=4B hosil bo’ladi va AB kesma teng besh bo’lakka bo’linadi.
|