MEVALAR YIG‘ISh. O‘quvchilarga quyidagi qo‘llama beriladi: “Meva bog‘idasizlar deb
faraz qiling. Olma va noklarni uzib savatingizga soling. Qo‘lingizdagi to‘g‘ri
taranglashishni qidiring. Ichki nigohingiz bilan xar bir uzayotgan olmangizni
ko‘rishga xarakat qiling. Ikkiti bir xili mavjud emas. Shuning uchun xar bir
meva uchun alohida kuchlanish kerak. Qanday olmani uzyapsiz? Ingichka
shoxdami yoki yo‘g‘on shoxdami? Kattami yoki kichikmi? Olmani
tishlashingizni faraz qiling. Agar shirin bo‘lsa o‘rtog‘ingiz bilan bo‘lishing ”.
Mashqni bajarish paytida qatnashchilar badandagi kuchlanish va
parnyorlarni o‘zaro tasirini kuzatishi muxim..
RELAKSASION MASHQLAR. Stulda o‘tirib bir vaqtning o‘zida hamma muskullani taranglashtiring,
bu taranglashishni 10 soniya ichida saqlang. Bu vaqtda qo‘lingizdan
kelgancha qattiq kuchlaning. So‘ng taranglashishni astalik bilan ko‘yib
yuborib, badaningiz stulda bo‘shashishini kuting. Bo‘shashish qanday hislar
bilan birga o‘tayotganini, nafas olish qanchalik sekin va chuqur amalga
oshayotganini, kuchlanishdan ozod bo‘lish qanday kechayotganini kuzating.
Endi stulda o‘tirishni davom ettirgan xolda bo‘shashish holatini
chuqurlashtirishga xarakat qiling, tananingizni xar bir qismini xayolan kuzatib,
unga qo‘proq bo‘shashishiga yo‘l qo‘ying.
STRESSGA QARSHI MASHQLAR. Stressga qarshi kurashishni asosiy shartlari muammoga adekvat
munosabatda bo‘lish, ijobiy
fikrlash
va ichki muvozanatdir. Quyida ushbu
yo‘nalishlarda ko‘nikmalar xosil qilish mashqlari berilgan.
“Ichki nur” mashqi. Qulay kursiga o‘tirib, ko‘zingizni yuming. Boshingizni tepa qismida
yorqin nur paydo bo‘ldi, u asta-sekin tepadan pastga xarakat qilib iliq, tekis
va bo‘shashtiruvchi yorug‘lik bilan yuz, bo‘yin va elkalaringizni yorityapti
deb faraz qiling. Nurning xarakati bilan qosh va lablardagi burishishlar
(ajinlar) tekislanadi, yuz muskullari bo‘shashishadi, ensa kismidagi
taranglashuv yo‘qoladi, elkalar kuchlanishdan ozod qilinadi. Ichki nur sizning
yangi tashqi ko‘rinishingizni- xotirjam, o‘ziga ishongan hamda o‘zi va o‘z
hayoti bilan mamnun inson ko‘rinishini shakllantiradi. Mashqni : “Men yangi
odam bo‘ldim! Men yosh va sog‘lomman! Xotirjam va dadilman! ” so‘zlari
bilan tugating.
