|
O‘ZBEKISTONNING BOZOR MUNOSABATLARIGA O‘TISHI DAVRIDA LOGISTIKANING TUTGAN O‘RNI
|
| bet | 5/91 | | Sana | 09.07.2024 | | Hajmi | 1,77 Mb. | | #267097 |
Bog'liq umumiy ma\'ruza1.5. O‘ZBEKISTONNING BOZOR MUNOSABATLARIGA O‘TISHI DAVRIDA LOGISTIKANING TUTGAN O‘RNI.
Hozirgi zamonda logistikaning tutgan o‘rni.
Bozor munosabatlarining rivojlanishiga logistikaning ta’siri.
Hozirgi zamonda logistikaning tutgan o‘rni. O‘zbekiston iqtisodiyotining bozor munosabatlariga o‘tish sharoitida logistikaning tutgan o‘rni oshadi. Bozor munosabatlariga o‘tish davrida logistikaning dolzarbligini aniqlab beruvchi 5 ta omilni ajratish mumkin:
- iqtisodiy omil. Hozirgi vaqtda ishlab chiqarish xarajatlari va moliya xarajatlarini kamaytirish imkoniyatlarini qidirish birinchi o‘ringa qo‘yilmoqda. Logistika mahsulot ishlab chiqaruvchi va iste’molchilarning iqtisodiy qiziqishlarini bog‘lash imkonini beradi.
- tashkiliy - iqtisodiy omil. Bozor sharoitida tovar harakati jarayonlarini amalga oshiruvchi yangi tashkiliy shakllarning vujudga kelishi va rivojlanishi davomida, boshqaruv va koordinatsiyaning integratsion shakllari, hamda ishlab chiqaruvchi, moddiy oqimlarni tashkil etish va boshqarishga qo‘yiladigan logistika talablari mahsulot etkazuvchi bilan iste’molchi o‘rtasidagi aloqalarning rivojlanishiga yordam beradi. O‘zining iqtisodiy ko‘rsatkichlarini yaxshilash maqsadida yetkazib beruvchi, ham hamkor – iste’molchi talablarini bajarishga, ham mahsulotni etkazish bo‘yicha shartnoma munosabatlari rivojlanishi uchun sharoitlarni yaxshilashga intiladi.
Logistik qarashlarga amal qilish va gorizontal aloqalarni rivojlantirib, korxonalar bir - biri bilan ta’sischilarga xizmat ko‘rsatish jarayonida etkazish sifatini oshirishda va mahsulotni eng kam xarajatlar bilan yetkazib borishda raqobatlashadi. Mahsulot bozorida raqobatbardoshlikni oshirishning mustahkam usuli bo‘lib logistika hisoblanadi.
Logistika talablarini bajarishning muhim sharti bo‘lib mahsulotni tayyorlash, omborga joylashtirish, tushirish, yuklash va jo‘natishga ketadigan xarajatlarni kamaytirish yo‘llarini qidirish hisoblanadi. Transport - ombor amallariga ketadigan xarajatlarni kamaytirish ko‘p hollarda raqobatda va bozor munosabatlari tizimida birinchilikni ta’minlaydi.
Logistik boshqaruv mexanizmining rivojlanishi va tatbiq etilishi, doimo, moliyaviy zaxiralarni va boshqa turdagi resurslarni jalb etish bilan bog‘liq. Logistik tizimning hamma bo‘g‘inlarini ishlash samaradorligiga va bunda erishiladigan resurslar iqtisodiga umuman iqtisodiy islohotlarning samaradorligi, bozor munosabatlarining rivojlanishi bog‘liqdir.
Logistik amallar va xizmatlar xilma - xilligi xizmat ko‘rsatish bo‘yicha tashkilotlarning imkoniyatlarini sezilarli darajada kengaytirish imkonini beradi. Oldinlari faoliyat ko‘rsatgan ulgurji savdo bazalari va tashkilotlari kompleks xizmat ko‘rsatuvchi vositachi tashkilotlarga aylanishmoqda, ular korxonalarga turli xil logistik xizmatlar ko‘rsatishadi.
|
| |
