5
KIRISH
Mavzuning asoslanishi va uning dolzarbligi. Respublikamizda amalga
oshirilayotgan tub islohotlar, jamiyatda o’ziga xos ijtimoiy
va iqtisodiy rivojlanish
yo’lining tanlab olinishi, ta’lim tizimi uchun “Ta’lim to’g’risida”gi Qonun, “Kadrlar
tayyorlash milliy dasturi”ning qabul qilinishi jahon talablariga mos keluvchi uzluksiz
ta’lim tizimini shakllantirish uchun qulay shart-sharoitni yaratdi. Ta’lim sohasida
olib borilayotgan hamda aniq maqsadga yo’naltirilgan davlat siyosati ijtimoiy
jamiyat taraqqiyotini ta’minlovchi ustuvor yo’nalishlardan biri sifatida e’tirof
etilmoqda [1].
Jamiyat taraqqiyoti ilgarilab borgan sari ta’lim
sohasida faoliyat
ko’rsatayotgan har qanday pedagogdan chuqur bilim, ta’lim sohasidagi turli xil
innovatsiyalarni bilish va ularni amaliyotda qo’llash bo’yicha malaka,
shu bilan
birgalikda ta’lim oluvchilar tomonidan o’zlashtirilayotgan bilimlarni, egallanayotgan
ko’nikma va malakalarni nazorat qilish hamda baholash bo’yicha mahorat talab
etiladi [2].
Respublikamizda dunyoning rivojlangan mamlakatlari kabi kompyuter va
axborot texnologiyalarini rivojlantirishga alohida e’tibor qaratilmoqda. Bu
borada axborotlashtirishning
milliy tizimini shakllantirish, barcha sohalarda
zamonaviy axborot texnologiyalarini joriy etish va undan foydalanish,
jahon
axborot resurslaridan foydalanishni kengaytirishga sharoit yaratildi.
Axborotlashtirishning rivojlanishi natijasida ta’lim tizimida yuqori
malakali pedagoglarga bo’lgan talablar ortib boradi, yosh avlodni umuminsoniy
va milliy qadriyatlar ruhida tarbiyalash layoqatiga ega,
fanning fundamental
asosini, pedagogika va psixologiya metodlarini mukammal egallagan, kasbiy
tayyorgarligi yuksak darajada bo’lgan hamda zamonaviy pedagogik va axborot
texnologiyalarini amaliyotda qo’llash ko’nikma
va malakasiga ega ijodkor
pedagoglarni tayyorlash muammosi paydo bo’ladi.Yuqoridagilarni e’tiborga olib,
ushbu tadqiqot ishi dolzarb tadqiqotlardan biri ekanligini e’tirof etish mumkin.
