|
III BOB. MAMLAKATIMIZDA OLIB BORILAYOTGAN DAVLAT BYUDJETI ISLOHOTLARINI TAKOMILLASHTIRISH
|
| bet | 7/8 | | Sana | 06.12.2023 | | Hajmi | 2,71 Mb. | | #112616 |
Bog'liq Курс иши 3-курс готов 114414 Reproduktiv salomatlik nima , more true stories, Kafolat xati dQWEDgo, Hello, 28, 9 sinf ona tili fanidan konspekt, 194 kerakli belgilangan, Katherine Mansfield - Short Stories ( PDFDrive ), Amaliy dasturiy paketlar, eeb69a3cb92300456b6a5f4162093851, yomg\'ir, Документ Microsoft Word, Mavzu Parollarni boshqarish tizimlari (masalan, LastPass) va ul-www.kompy.info, Mavzu Parollarni boshqarish tizimlari (masalan, LastPass) va ul-www.kompy.info (1)III BOB. MAMLAKATIMIZDA OLIB BORILAYOTGAN DAVLAT BYUDJETI ISLOHOTLARINI TAKOMILLASHTIRISH.
1.1. Yangi Oʻzbekistonning yangi byudjet siyosati va yangi natijalar.
O‘zbekiston Respublikasi Prezidenti Shavkat Mirziyoyev rahbarligida respublikamizda olib borilayotgan keng qamrovli ijtimoiy-iqtisodiy islohotlar, shuningdek, tadbirkorlikni va aholini qo‘llab-quvvatlash, yangi ish o‘rinlarini yaratish, kambag‘allikni qisqartirish, ijtimoiy himoyani kuchaytirish borasida ko‘rilgan chora-tadbirlar o‘z natijasini bermoqda. O‘tgan davrda mamlakatda makroiqtisodiy siyosat, shu jumladan, soliq-byudjet siyosati iqtisodiy faollikni yoki yalpi talabni rag‘batlantirishga qaratildi.
Oliy Majlis Senati tomonidan ijro hokimiyati organlari faoliyati ustidan parlament nazoratini olib borish, davlat dasturlari bajarilishini taʼminlash borasidagi ishlar izchil olib borilmoqda. Jumladan, parlament yuqori palatasi devoni tarkibida Davlat byudjeti va hududlarni ijtimoiy-iqtisodiy rivojlantirish masalalarini tahlil qilish boshqarmasi tashkil etilgani ham Davlat byudjetini shakllantirish va ijro etish jarayonlari ustidan hududlar manfaatidan kelib chiqqan holda nazorat olib borishda muhim ahamiyat kasb etadi. Mazkur yo‘nalishdagi qonunlarni Senat qo‘mitalarida dastlabki tarzda ko‘rib chiqilishiga ko‘maklashadi.
Shuningdek, kelgusi yil uchun Davlat byudjeti to‘g‘risidagi qonun va byudjet loyihasini hududiy manfaatlar nuqtai nazaridan moliyaviy ekspertizadan o‘tkazish va xulosa berish, xorijiy mamlakatlar tajribasini o‘rganib, qonun hujjatlarini takomillashtirish yuzasidan takliflar ishlab chiqadi. Senat rahbariyati va senatorlarga byudjet, pul-kredit siyosati, hududlarni ijtimoiy-iqtisodiy rivojlantirish masalasiga doir materiallarni o‘z vaqtida yetkazib turish ham boshqarma zimmasiga yuklatilgan vazifalardan sanaladi.
Yaqinda boʻlib oʻtgan majlisda ham Senatning Byudjet va iqtisodiy islohotlar masalalari qo‘mitasi Moliya vazirligi bilan hamkorlikda xalq deputatlari mahalliy Kengashlarining mahalliy byudjet, iqtisodiy islohotlarni amalga oshirish, investitsiya va tadbirkorlikni rivojlantirish masalalari bo‘yicha doimiy komissiyalari uchun «2023 yil uchun O‘zbekiston Respublikasining Davlat byudjeti to‘g‘risida»gi Qonun mazmun-mohiyatiga bag‘ishlangan seminar o‘tkazdi, deb xabar bermoqda “Dunyo” AA muxbiri.
Parlament yuqori palatasi maʼlumotiga ko‘ra, Qonunda keyingi yilda iqtisodiy o‘sish darajasi 5,3 foiz, inflyatsiya darajasi 9,5 foiz, konsolidatsiyalashgan byudjet taqchilligi yalpi ichki mahsulotga nisbatan 3 foiz miqdorda, shuningdek, yangidan imzolanadigan davlat tashqi qarzi yuqori chegarasi 4,5 milliard dollar miqdorida prognoz qilinmoqda.
Shuningdek, Davlat byudjeti daromadlaridan kelib chiqib, kelgusi yil uchun Davlat byudjeti xarajatlari yalpi ichki mahsulotga nisbatan 24,1 foiz miqdorida belgilanmoqda.
Qonun bilan ijtimoiy soha xarajatlarining qariyb 45 foizi taʼlim sohasiga, xususan, qariyb 11 trillion so‘m maktabgacha taʼlim tashkilotlariga, 37 trillion so‘m xalq taʼlimiga, 10,4 trillion so‘m o‘rta maxsus va oliy taʼlimga ajratilmoqda.
Bundan tashqari, 2022 yilda Davlat byudjetidan sog‘liqni saqlash sohasiga (markazlashgan investitsiya xarajatlari bilan birga) 28,4 trillion so‘m yoki 2022 yil uchun tasdiqlangan rejaga nisbatan 5,2 trillion so‘m yoki 22 foizga ko‘p mablag‘ ajratilishi ko‘zda tutilgan.
Birinchi darajali byudjet mablag‘larini taqsimlovchilar uchun respublika byudjetidan ajratiladigan mablag‘lardan foydalanish, yaʼni o‘zlarining joriy xarajatlarini 2023 yil 1 yanvardan boshlab mustaqil qayta taqsimlash bo‘yicha qo‘shimcha vakolat berilmoqda. Jumladan, tegishli rivojlantirish dasturlari uchun rejalashtirilgan mablag‘larni bir dasturdan boshqasiga qayta taqsimlashlari mumkin bo‘ladi. Bunda har bir dastur ijrosi uchun tasdiqlanadigan maqsadli ko‘rsatkichlarga erishgan holda iqtisod qilingan mablag‘lar nazarda tutilmoqda.
Byudjet mablag‘laridan maqsadli va samarali foydalanish ustidan parlament nazoratini kuchaytirish maqsadida birinchi darajali byudjet mablag‘larini taqsimlovchilarning respublika byudjetidan ajratiladigan mablag‘lardan foydalanish, shuningdek, rivojlantirish dasturi maqsadli indikatorlarining bajarilish holati to‘g‘risidagi hisobotlarini eshitish amaliyoti joriy etilmoqda.
Davlat byudjeti taqchilligining prognoz ko‘rsatkichlaridan oshib ketishining oldini olish va byudjet barqarorligini taʼminlash maqsadida 2023 yil uchun O‘zbekiston Respublikasi nomidan chiqariladigan davlat qimmatli qog‘ozlarining cheklangan sof hajmi 17 trillion so‘m miqdorida bo‘lishi belgilanmoqda. Bunda moliya yili davomida chiqariladigan hamda joriy yilda so‘ndiriladigan O‘zbekiston davlat qimmatli qog‘ozlari cheklangan sof hajmga kiritilmasligi belgilanmoqda.
Daromadlar bo‘yicha prognozning oshirib bajarilgan qismi respublika byudjeti ixtiyorida qolishi belgilanmoqda.
Seminarda 2023 yil uchun soliq-bojxona siyosatining asosiy yo‘nalishlariga to‘xtalib o‘tildi.
Xususan, qo‘shilgan qiymat solig‘i stavkasi amaldagi 15 foizdan 12 foizgacha pasaytirilmoqda, aylanmadan olinadigan soliqning amaldagi 14 ta faoliyat turi bo‘yicha 4 foizdan 25 foizgacha belgilangan stavkalari unifikatsiya qilinib, yagona 4 foiz etib belgilanmoqda.
Oliy Majlis Senati tomonidan ijro hokimiyati organlari faoliyati ustidan parlament nazoratini olib borish, davlat dasturlari bajarilishini taʼminlash borasidagi ishlar izchil olib borilmoqda. Jumladan, parlament yuqori palatasi devoni tarkibida Davlat byudjeti va hududlarni ijtimoiy-iqtisodiy rivojlantirish masalalarini tahlil qilish boshqarmasi tashkil etilgani ham Davlat byudjetini shakllantirish va ijro etish jarayonlari ustidan hududlar manfaatidan kelib chiqqan holda nazorat olib borishda muhim ahamiyat kasb etadi. Mazkur yo‘nalishdagi qonunlarni Senat qo‘mitalarida dastlabki tarzda ko‘rib chiqilishiga ko‘maklashadi.
Shuningdek, kelgusi yil uchun Davlat byudjeti to‘g‘risidagi qonun va byudjet loyihasini hududiy manfaatlar nuqtai nazaridan moliyaviy ekspertizadan o‘tkazish va xulosa berish, xorijiy mamlakatlar tajribasini o‘rganib, qonun hujjatlarini takomillashtirish yuzasidan takliflar ishlab chiqadi. Senat rahbariyati va senatorlarga byudjet, pul-kredit siyosati, hududlarni ijtimoiy-iqtisodiy rivojlantirish masalasiga doir materiallarni o‘z vaqtida yetkazib turish ham boshqarma zimmasiga yuklatilgan vazifalardan sanaladi.
Oliy Majlis Qonunchilik palatasining navbatdagi yig‘ilishida O‘zbekiston Respublikasining “2023 yil uchun O‘zbekiston Respublikasining Davlat budjeti to‘g‘risida"gi qonuni loyihasi ikkinchi va uchinchi o‘qishdan keyin qabul qilindi.
Ma’lum qilinishicha, 2023 yil uchun Davlat budjeti loyihasi va 2024−2025 yillar uchun budjet mo‘ljallari asosiy makroiqtisodiy ko‘rsatkichlar prognozi asosida ishlab chiqilgan.
Xususan, 2023 yilda yalpi ichki mahsulotning 5,3 foiz o‘sishi prognoz qilingan. Yalpi ichki mahsulotning ko‘zlangan o‘sish sur’atlari sanoatda ishlab chiqarishni 5,1 foizdan yuqori bo‘lishi, xizmatlar sohasida 6,7 foizga, qishloq xoʻjaligida 3,5 foizgа o‘sishi hisobiga ta’minlanishi prognoz qilinmoqda.
Inflyatsiya darajasining pasayish tendensiyasi davom etib, 2023 yilda 9,5 foiz atrofida bo‘lishi prognoz qilinmoqda.
Mazkur rivojlanish ko‘rsatkichlariga har bir sohada boshlangan tarkibiy islohotlarni sifatli davom ettirish orqali erishish maqsad qilingan.
2022 — 2026 yillarga mo‘ljallangan Yangi O‘zbekistonning taraqqiyot strategiyasida belgilab berilgan ustuvor yo‘nalishlarga muvofiq ravishda, soliq-byudjet siyosatini amalga oshirilishi ko‘zda tutilgan bo‘lib, ustuvor yo‘nalishlari sifatida quyidagilarni belgilash mumkin:
- budjet siyosatining ijtimoiy yo‘naltirilganligini, jumladan, ta’lim, sog‘liqni saqlash va ijtimoiy himoyani rivojlantirishga;
- hududlar, ayniqsa mahallalarning dolzarb muammolarni hal qilish, suv va yer resurslaridan oqilona foydalanish, atrof muhitni va tabiatni muhofaza qilishni ta’minlash;
- yoshlar va xotin-qizlarni qo‘llab quvvatlashni kengaytirish;
- tadbirkorlikni qo‘llab-quvvatlash, tadbirkorlik faoliyatida sof raqobat muhitini yaratilishiga zamin yaratish, bosqichma-bosqich soliq va bojxona imtiyozlarini bekor qilish;
- birinchi darajali budjet mablag‘larini taqsimlovchilarga budjet mablag‘laridan samarali foydalanish yuzasidan javobgarligi, hisobdorligi va vakolatlarini, davlat budjeti barqarorligini ta’minlash maqsadida, ilg‘or xorijiy tajribadan hamda xalqaro moliya institutlari ekspertlarining tavsiyalaridan kelib chiqqan holda budjet xarajatlari samaradorligini oshirish ustuvor vazifalar sifatida belgilab olindi.
Ushbu maqsadlardan kelib chiqib, 2023 yil uchun davlat budjeti daromadlari (Davlat maqsadli jamg‘armalariga transfertlarni inobatga olmagan holda) 232,1 trln so‘m, xarajatlari esa 227,9 trln so‘m miqdorida transfert ajratilishi rejalashtirildi.
Shuningdek, davlat maqsadli jamg‘armalari daromadlari 41,3 trln so‘m miqdorida, xarajatlari esa 70,2 trln so‘m miqdorida rejalashtirilmoqda. Bunda, davlat maqsadli jamg‘armalariga respublika budjetidan 29,9 trln so‘m transfertlar ajratish belgilandi.
Xususan, budjetdan tashqari Pensiya jamg‘armasi daromadlari 37,8 trln so‘m, xarajatlari 53,5 trln so‘mни tashkil etgan holda Davlat budjetidan 15 trln so‘m miqdorida transfert ajratilishi rejalashtirilmoqda.
Davlat moliyasini boshqarishning xalqaro standartlariga muvofiq budjet qamrovini oshirish hamda to‘liqligini ta’minlash maqsadida, 2021 yildan boshlab tashqi qarz hisobidan davlat dasturlariga rejalashtirilayotgan xarajatlar konsolidatsiyalashgan byudjet tarkibiga kiritildi. 2023 yilda ushbu xarajatlar 7,8 trln so‘m miqdorida bo‘lishi prognoz qilinmoqda.
Davlat budjeti va Davlat maqsadli jamg‘armalarining taqchilligi davlat ichki va tashqi qarzlarini jalb qilish hamda budjetlarning yil boshiga qoldiq mablag‘lari hisobidan qoplanadi.
O‘zbekiston Respublikasi respublika budjetining xarajatlari qonun loyihasida 65 ta birinchi darajali budjet mablag‘larini taqsimlovchilari (vazirlik va idoralar) kesimida tasdiqlanmoqda.
Moliya yili yakuniy sanasi holatiga O‘zbekiston nomidan va uning kafolati ostida jalb qilingan davlat qarzi qoldig‘ining miqdori joriy yil yalpi ichki mahsulotiga nisbatan 60 foizдан oshmasligi belgilab qo‘yilmoqda (10-modda).
Bunda, 2023 yil uchun hukumat nomidan va respublika kafolati ostida tashqi qarzni jalb qilish bo‘yicha yillik imzolanadigan yangi bitimlarning cheklangan hajmi 4,5 mlrd AQSh dollari, shundan Davlat budjetini qo‘llab quvvatlash uchun — 2 mlrd AQSh dollari, investitsiya loyihalarini moliyalashtirish uchun — 2,5 mlrd AQSh dollari miqdorida belgilash rejalashtirilmoqda.
Shuni taʼkidlab aytish zarurki barcha soxalardagi islohotlar singari Davlat iqtisodiyotida xam tubdan oʻzgarishlar, yangi isloxotlar keng koʻllamli ishlar olib borilmoqda. Buning natijasida bir qator kamchiliklar endilikda bartaraf etilib xar bir soxada ijtimoiy-iqtisodiy va siyosiy faoliyat kundan kun yanada takomillashib bormoqda.
|
| |
