I bob Kirish

Yuqoridagi 15-rasmda keltirilgan sxemada “o’tish ta’qiqlangan” belgisini matritsali indikatorda yoritish uchun mikrokontrollerning signal kirishini manbaning musbat chiqishiga ulash kerak. “O’tishga ruxsat” belgisini yoritish uchun esa, manba umumiy chiqishi (“yer”)ga ulash kerak bo’ladi.

Buning uchun mikrokontroller signal kirishini doimo joriy holatini xuddi klaviatura tugmalariga so’rov shakllantirilgani kabi tekshirib turadi. Bunda mikrokontroller kirishini himoyalash uchun tranzistor bazasiga stabilitron ulangan (15-rasmga qarang).

Indikatorning ishlash algoritmi switch/case operatori yordamida amalga oshirilgan. Bunda algoritm bo’yicha apparatli taymer uzilishlari ustunlar matritsasini skanerlash qatordagi mavjud axborotlarni jadvalli qidirish chaqiriladi. Matritsali svetodiodlarni yoritish dasturi AVR Studio 4.18 muhitida yozilgan. Ushbu dasturiy ta’minot bilan ishlash to’g’risida bir qancha texnik adabiyotlarda ma’lumotlar keltirilgan. 16-rasmda ushbu dasturning blok sxemasi keltirilgan.

Mikrokontroller ishga tushishi bilan, mikrokontroller portlari va taymerlarini sozlash tugallanishi bilan asosiy while() tsikli ishga tushadi. SHunga bog’liq holda qurilma etarlicha sodda tuzilgan bo’lib, “O’tishga ruxsat” va “O’tish ta’qiqlangan” holatlarga so’rovlarni shakllantirish bevosita tugallanmaydigan tsikl orqali amalga oshirilgan. Tasvirni aylantirish kadr bo’yicha uzilishlarni qayta ishlash Timer2 registri to’lib toshishi natijasida sodir bo’ladi. Uzilishlarni qayta ishlash chastotasi 480 Hz atrofida bo’ladi. Bu esa matritsa ustunlarini 480/8=60 Hzda skanerlash imkonini beradi. Ushbu minimal chastotada svetodiodlarning miltillashini inson ko’zi ilg’amaydi.