INNOVATION IN THE MODERN EDUCATION SYSTEM
484
tannarxini pasaytirsak, xorijdan o‗zlari olib ketishadi‖. Bugungi kunda 31
ta tovarlar guruhi va 82 turdagi xizmatlar bozorida 245 ta korxona monopol
holatda saqlanib qolmoqda. Lekin bir qator yo‗nalishlarda
raqobat muhiti
shakllanib bo‗lgan 19 xil mahsulot va xizmatlar bo‗yicha 70 ta korxonani
monopolistlar reestrdan chiqarish mumkin.
Prezident raqobatni rivojlantirish va monopoliyaga qarshi kurashish
borasida mutlaqo yangi tizim yaratish lozimligini ta‘kidladi.
Bu borada ta‘kidlash lozimki, makroiqtisodiy ko‗lamda
milliy
iqtisodiyotning raqobatbardoshligini oshirish, mamlakatning innovatsion
salohiyatini yaxshilash maqsadida ijobiy natijalarga erishilgan.
Lekin
korxonalarda moddiy-texnika bazasining holati va bozorda mahsulotlarning
raqobatga dosh bera olmasligi innovatsion jarayonlarni strategik
boshqarishda ayrim muammolar mavjudligidan dalolat beradi. Olib borilgan
tadqiqotlarning ko‗rsatishicha, korxonalarda innovatsion jarayonlarni
strategik boshqarishda quyidagi asosiy muammolarga e‘tibor qaratish lozim:
- birinchidan, mamlakatimiz bir qator fundamental fan sohalarida katta
salohiyatga ega, ammo ushbu salohiyatni ishlab chiqarish bilan bog‗langan
holda ishga
solish mexanizmi yaratilmagan;
- ikkinchidan, real sektor korxonalarning innovatsiyalarni qabul qilish
jarayonini past darajada qolayotganligi korxonalarda ilg‗or
texnologiyalarga
bo‗lgan talabning sustlashishiga olib kelmoqda;
- uchinchidan, qulay ishbilarmonlik va biznes muhitini yaratish borasida
kamchiliklarning mavjudligi korxonalar raqobatbardoshligini oshirishga salbiy
ta‘sir ko‗rsatmoqda.
Innovatsiya faoliyati iqtisodiy vazifani bajarish orqali o‗ziga xos
xususiyatini namoyon etadi: tijorat va notijorat ayirboshlashga ilmiy-
texnika yutuqlarini olib kiradi va buning
bilan ishlab chiqarishdagi
tajribalarni milliy va xalqaro miqyosda tarqalishiga sabab bo‗ladi.
Notijorat ayirboshlash vositasida ishlab chiqarishning ma‘lum sohalarida
mutaxassislarni o‗qitish va tayyorlash uchun mo‗ljallangan ilmiy-texnik,
axboriy reklama-texnik turdagi bilimlar beriladiki,
bu ilm-fan, texnika va
ishlab chiqarishning rivojlanish holati va istiqbolini tahlil etish imkonini
beradi. Notijorat ayirboshlashda hamma birdek ega bo‗lishi
mumkin
bo‗lgan ma‘lumotlar, materiallar va nashrlar ishtirok etadi. Shuningdek,
yangi nazariy, ilmiy tamoyillar hamda umuminsoniyat mulki bo‗lganligi yoki
daromad keltiradigan muayyan qo‗llanish sohalariga ega bo‗lmaganligi
tufayli xususiy mulkchilikka daxldor bo‗la olmaydigan qonuniyatlar ham
notijorat ayirboshlash doirasiga kiradi.
