71
O`lchash. O`lchov vositalari. O`lchash natijalarini baholash. O`lchov turlari.
O`lchashdagi xatoliklar ko`rinishlari. Xatolik sinflari.
Ma`ruza maqsadi: O`lchov vositalarini tanlash va xatoliklari bo`yicha
baholashni o`rganish.
1.
Umumiy tushunchalar
Maqbul yechimlarni izlashni o`z oldiga qo`ygan zamonaviy darajada
loyihalashtirish - juda ko`p o’lchash va hisoblash ishlaridir. O’lchash ishlari esa har
doim o’lchash uslubiyoti, o’lchashlardagi noaniqliklar va boshqalar bilan
bog’langan ma`lum bir darajadagi aniqlikka ega bo`ladi. Shu bilan birga,
texnologik jihozlar tizimlarini loyihalashtirish uchun ularni xarakterlovchi
boshlang’ich ma`lumotlar bo`lib katalog va boshqa bildirgi materiallar xizmat
qiladi, bu ma`lumotlar ham o`zining xatoliklariga ega bo`ladi. Shuning uchun,
o`lchov qurilmalarining ishidagi aniqlikni baholash, o`lchov va hisoblardagi
xatoliklar tabiatini bilish, o`lchov vositalaridan to`g’ri foydalanishni bilish -
mutaxassislarning tadqiqot mavzusidan qat`iy nazar, ularga zarur bo`ladi.
