545
Kamoliddinov Ziyovuddin, assistant, TDTU
Tajibayev Damir, assistant, TDTU
TRANSPORT-LOGISTIKA KLASTERLARINI TASHKIL ETISH TAMOYILLARI VA
OMILLARI
So‘nggi yillarda mamlakatimizda transport va transport kommunikatsiyalari sohasini
rivojlantirish, tashishlarning yuqori darajadagi xavfsizligini ta’minlash, transport sohasidagi
boshqaruv tizimini takomillashtirish, soha uchun malakali mutaxassislarni tayyorlashga
yo‘naltirilgan keng ko‘lamli chora-tadbirlar amalga oshirilmoqda.
Iqtisodiyotni rivojlantirishning zamonaviy tendensiyalari va amalga oshirilayotgan islohotlar
respublikaning geografik joylashuvini inobatga olgan holda transport xizmatlarining sifatliligi va
ommabopligini ta’minlashga yo‘naltirilgan yagona transport siyosatini shakllantirish va amalga
oshirish, sohani boshqarishning zamonaviy texnologiyalari va intellektual tizimlarini joriy etishda
alohida ahamiyatga ega ekanligini ko‘rsatmoqda. Transport sohasidagi davlat boshqaruvi tizimini
tubdan takomillashtirish,respublikaning investitsiyaviy jozibadorligi va eksport salohiyatini oshirish,
transport kommunikatsiyalarini strategik rivojlantirish va barqaror faoliyat ko‘rsatishini ta’minlash
maqsadida, iqtisodiy aloqalarni yanada rivojlantirish, tranzit tashish hajmini doimiy oshirish,
ko’rsatilayotgan xizmatlar sifatining yuqori darajasini logistika klasterlari yoki transport-logistika
klasterlarining mamlakat iqtisodiyotidagi ro’lini o’zgartirishini belgilab berdi.[1]
Shulardan kelib chiqqan holda, bugun mamlakatimiz iqtisodiyotini modernizasiya qilish va
yangilash, yangi O‘zbekistonni yaratish, sohalarning sifat jihatdan yangi, zamonaviy tarkibiy
tuzilmasini shakllantirish, hududlarimizni kompleks rivojlantirish bo‘yicha barcha rejalarimizning
muvaffaqiyatli amalga oshirilishi yo‘l-transport va kommunikasiya infratuzilma tarmoqlarini yuksak
sur’atlar bilan rivojlantirishga uzviy bog‘liqdir.
“Klaster”
atamasi fransuzcha so‘z bo‘lib, “panja”, “bosh”, “bog’lam” ma’nolarini anglatadi.
Jumladan, “Klaster” atamasi bir necht o’zaro aloqador mustaqil elementlardan tashkil topgan va
o‘ziga xos xususiyatlarga ega bo‘lgan to‘plamni anglatadi.
Klasterlashtirish bu bitta geografik hududda konsentratsiyalashgan va ma’lum bir aniq
vazifani yechishga qaratilgan firmalar guruhi bo‘lib, ular bir-biri bilan uzviy aloqadagi, jamoaviy
raqobatlashuvni mustahkamlash maqsadida ishchi kuchlarini o’zaro birlashtiruvchi jarayondir.
