O'zbekiston Respublikasi Prezidenti Shavkat Miromonovich Mirziyoevning “Sayyoramizda
turli kelishmovchilik va qarama-qarshiliklar, urush va nizolar avj olgan tahlikali zamonda, odamzod
tobora o'z dunyosiga o'ralib borayotgan bir sharoitda musiqa insonga insonligini eslatib,uning qalbida
kelajakka umid va ishonch uyg'otadi. Musiqa san'ati madaniy fenomen
sifatida yangi avlodni
tarbiyalash va kamolga yetkazish borasida cheksiz imkoniyatlarga egadir. San'at bilan oshno bo'lgan
yoshlarning hayotga munosabati, milliy urf odat, milliy va uumumbashariy qadriyatlarga hurmati
baland bo'ladi.
Va men ishonaman, ular dunyoni ma'naviy tanazzuldan qutqarishga qodir bo'lgan,
o'zaro ahillik va birdamlikniulug'lovchi avlod bo'lib maydonga chiqadi. Shu ma'noda, musiqa-hech
narsa bilan o'lchab, solishtirib bo'lmaydigan beqiyos ilohiy ta'sir kuchiga ega, desak, ayni haqiqatni
aytgan bo'lamiz”[1] degan fikrlari naqadar o'rinli ekanligini hozirda hayotning o'zi ko'rsatib turibdi.
Shu munosabat bilan vatanimizda iste'qomat qilib kelayotgan yoshlarimizni milliy va
umumbashariy qadriyatlarga hurmat, vatanga
sadoqat ruhida tarbiyalash, milliy musiqiy ongini
shakllantirish maqsadida bir qancha qaror, farmon va farmoyishlar chiqarilib ijrosi ta'minlanmoqda.
Jumladan: 26.05.2020 yildagi “Madaniyat va san'at sohasining jamiyat hayotidagi o'rni va ta'sirini
yanada oshirish chora-tadbirlari to'g'risida” PF-6000-sonli, 25.12.2023 yildagi “Aholiga madaniy
xizmat ko'rsatish darajasini yanada oshirish chora-tadbirlari to'g'risida” PQ-406-sonli, 30.08.2023
yildagi “O'zbek milliy maqom san'atini yanada rivojlantirish va soha vakillari faoliyatini qo'llab-
quvvatlash choralari to'g'risida” PQ-289-sonli, 26.02.2019 yildagi “Sharq taronalari-xalqaro musiqa
festivalini o'tkazishga tayyorgarlik ko'rish chora tadbirlari to'g'risida” PQ-4214-sonli O'zbekiston
Respublikasi Prezidentining qaror va farmonlari fikrimizning yaqqol isbotidir.
Shaxs taraqqiy qilishi uchun eng avvalo ta'limiy va tarbiyaviy jarayonlar muhim ahamiyatga
ega. Ta'lim shaxsning bilish jarayonlari(diqqat, idrok, sezgi, xotira, tafakkur, xayol)ning
rivojlanishiga bevosita ta'sir qilsa,
tarbiya shaxsning ong ostiga, uning hissiy emotsional sohasiga,
irodaviy kuchiga ta'sir ko'rsatib unda yuksak hislarni, axloqlilik, odoblilik,
mehnatsevarlik,
vatanparvarlilik, insonparvarlilik, mehr oqibat va boshqa shu kabi ijobiy sifatlarni shakllantiradi.
Musiqa tarbiyasi inson hissiyotiga kuchli ta'sir etish imkoniyatiga ega bo'lgan hamda yoshlarni
axloqiy va g'oyaviy tarbiyalashning asrlar osha tajribadan o'ta olgan vositasidir. Bobokalonlarimiz
bejizga: «Musiqa odam ruhining yo'ldoshidir», deb ta'kidlab o'tmaganlar.
Mazkur tadqiqotdan ko'zlangan maqsad milliy musiqa orqali
yoshlar ongida milliy va
umuminsoniy qadriyatlarni shakllantirish hamda yoshlar tarbiyasida ta'sir ko'rsatuvchi ijtimoiy-
psixologik omillar va ularning xususiyatlarini aniqlash orqali ushbu muammoni ijtimoiy psixologik
jihatdan o'rganishdan iborat.
