“PEDAGOGIK MAHORAT” ilmiy-nazariy va metodik jurnal. 2023, № 11
154
olgan holda, tadqiqotning falsafiy asoslari sifatida quyidagilar tanlangan: ziddiyatlarni hal qilishning asosiy
manbasi hisoblangan rivojlanish to‘g‘risidagi falsafiy ta’limot hamda faoliyat falsafiy nazariyasi (G. Gegel,
I. Kant, I. Fixte, M.S. Kagan va b.);
butunlik (yaxlitlik) va uzluksizlik tamoyillariga asoslangan pedagogik
jarayonga quyidagi ilmiy-
pedagogik yondashuvlar: tizimli (V.G. Afanasyev, F.F. Korolev, N.V. Kuzmina, G.P. Shedrovitskiy, V.S.
Ilin), shaxsga yo‘naltirilgan (Sh.A. Amonashvili, V.A. Suxomlinskiy, YE.V. Bondarevskaya, V.V. Serikov
va b.), faoliyatli (A.N.
Leontyev, L.S. Vigotskiy, S.L. Rubinshteyn) kabilar katta hissa qo‘shganlar.
Tadqiqot metodologiyasi. Uzluksiz kasbiy ta’limni rivojlantirishning
muhim maqsadlaridan biri
insonparvarlikka oid qadriyatlarni mustahkamlash va shaxsning o‘zini o‘zi ochish, ro‘yobga chiqarish
mexanizmalarini yanada rivojlantirishdan iborat. Uzluksiz kasbiy ta’limnining
yetakchi tendensiyasi va
tavsifi sifatida ta’limni bilimlarni iste’mol qiladigan va uni qayta ishlab chiqaradigan ijtimoiy institutdan
bilimlarni ishlab chiqarish va bilimlarni kengaytirilgan qayta ishlab chiqarilishi
institutiga aylantirish
belgilangan. Bugungi kunda uzluksiz kasbiy ta’lim «yangi bilim, voqelik obrazini shakllantirish, olam
haqidagi axborot oqimini tarkiblashtirishni» ta’minlaydi. Y.P.Ilin ta’kidlashicha, bilimlar «iqtisodiy
kategoriya bo‘lib, bilimning tovarga, bilim tashuvchisining esa ularning egasiga aylantirish, buning oqibatida
ta’lim oluvchilarning egallaydigan bilimning o‘ziga xosligi bilan belgilanadigan noyob ta’lim
olish istagi
xarakteriga ega bo‘lmoqda» [2;118-b.].
