“PEDAGOGIK MAHORAT” ilmiy-nazariy va metodik jurnal. 2023, № 11
58
Shunga o‘xshash fikrlarni N.N.Obozov o‘zi tomonidan olib borgan ilmiy izlanishlarida ilgari suradi.
Uning fikriga ko‘ra, “kommunikativ kompetentlik asosan ikki jihatdan namoyon bo‘lishi mumkin:
bilim va hissiy tajribaga asoslangan holda, shaxsning turli xil muloqot holatlariga yo‘naltirilishi va o‘zini va
boshqalarni tushunish tufayli o‘zgalar bilan samarali munosabatda bo‘lish qobiliyati sifatida ruhiy holatlarni,
shaxslararo munosabatlarni va ijtimoiy muhit sharoitlarini doimiy ravishda o‘zgartirish”[8].
Xulosa. Yuqorida keltirilgan fikrlarga asoslanib, jamoat xavfsizligini ta’minlash bo‘linmalari bo‘lajak
ofitserlarida kommunikativ kompetentlikni rivojlantirish bo‘yicha quyidagi xulosalarni ilgari surish
maqsadga muvofiq:
-jamoat xavfsizligi bo‘limalaridagi bo‘lajak ofitser shaxsida muloqotchanlik sifati, kommunikativ
kompetentlikni rivojlanishi ko‘p jihatdan ularning kasbiy faoliyatlari, kelgusidagi rejalari hamda o‘z-o‘ziga
va o‘zgalarga nisbatan bo‘ladigan munosabatlarida yaqqol ko‘zga tashlanadi;
-bo‘lajak ofitserlarda kommunikativ kompetentlikni rivojlanishi ulardagi suhbat jarayoniga faoli
ravishda kirishishi, insonlar bilan samimiy munosabat o‘rnata olishi hamda ulardagi ruhiy holatlarni anglab
yetgan holda munosabatlar tizimini shakllanganligi bilan bog‘liq[10];
-insonlar jamoasida shaxslararo munosabatlar tizimini to‘g‘ri yo‘lga qo‘yilganligi jamoa a’zolarining
o‘zaro bir-birini tushunishi hamda qo‘llab quvvatlash malakalarini tarkib topganligi jamoat xavfsizligini
ta’minlash bo‘linmalari bo‘lajak ofitserlarida kommunikativ kompetentlikni rivojlantiruvchi omil sifatida
gavdalanishi mumkin;
-jamoat xavfsizligini ta’minlash bo‘linmalari bo‘lajak ofitserlarida kommunikativ kompetentlikni
rivojlantirish maqsadida o‘quv jarayonida ta’limiy va axborot texnologiyalari, ish o‘yinlari, psixologik
treninglardan foydalanish maqsadga muvofiq.
