250
xarakterida, odatda, avvalo shaxs xulqining hamma tomonlarida iz qoldiradigan
ba‘zi bir xilma-xil tartibda birga qo`shilib keladigan umumiy xislatlar ajralib
turadi. Xarakterning mukammalligi, barqarorligi, qat‘iyligi va kuchi bunday
xislatlar qatoriga tegishlidir. Masalan, xarakterning juda kuchli bo`lishi bilan
birgalikda uning bir tomonlama va tor ekanligi yoki yetarlicha barqaror bo`lmagan
to`liqligini ham uchratish mumkin.
O`quvchi faoliyatida namoyon bo`luvchi (shaxs kartasida ko`rsatilgan) 10 ta
xarakter sifatiga quyidagicha baho qo`yish talab qilinadi:
5- mazkur sifat to`liq va barqaror namoyon bo`ladi;
4- mazkur sifat tez-tez namoyon bo`lib turadi; 3- mazkur sifat ba‘zida namoyon
bo`ladi;
2- mazkur sifatning o`quvchi xulq-atvorida ifodalanishi noma‘lum;
1- mazkur sifat xali shakllanmagan va xulqida ifodalanmagan.
11. O`quvchining shaxs sifatidagi yo`nalishi. Shaxsning yo`nalishi - ehtiyojlari,
motivlari, qiziqishlari, ishtiyoqi, ideallari yo`nalishning mazmunini tashkil etadi.
Xuddi mana shular kishining borliqda, ijtimoiy voqea va hodisalarga, jamiyatga,
jamoaga hamda boshqa kishilarga, shaxs sifatida o`z-o`ziga bo`lgan munosabatlari
xususiyatini belgilaydi. Shaxs yo`nalishini belgilashda, avvalo, o`quvchining o`z
hayotida qanday maqsadlarga erishishni eng yuqori va muhim deb hisoblashi,
qiziqishlar ko`lami, kasb tanlashga ongli munosabati, mehnatga va o`z-o`zini
rivojlantirishga munosabati hamda tegishli ma‘lumotga ega bo`lish talab qilinadi.
