Kompyuter injiniringi kafedrasi qoshidagi

To‘garak dasturi “________________________________” kafedrasining 2023yil “______” “__________” ___ – sonli yig‘ilishida muhokamadan o‘tgan va fakultet

NIZOMI

1. 
   Toshkent Amaliy fanlar universiteti Axborot texnologiyalari fakulteti “Kompyuter injiniringi” kafedrasi qoshidagi ‘‘Kompyuter savodxonligi‘‘ to‘garagi (bundan buyon to‘garak deb yuritiladi) ixtiyoriy tuzilma hisoblanadi.
   
2. 
   ‘‘Kompyuter savodxonligi‘‘ kasbiy to‘garagi o‘z faoliyatini O‘zbekiston Respublikasi Konstitutsiyasi, O‘zbekiston Respublikasining 2020 yil 23 sentyabrdagi O‘RQ-637-sonli “Ta’lim to‘g‘risida”gi qonuni, Yangi O‘zbekistonning 2022-2026 yillarga mo‘ljallangan taraqqiyot strategiyasida “Ma’naviy taraqqiyotni ta’minlash, ushbu sohani tubdan isloh etish va yangi bosqichga olib chiqish” bandini amaliy ahamiyatini yuksaltirish, 2019 yil 19 mart kuni Prezidentimiz Shavkat Mirziyoyev boshchiligida o‘tkazilgan videoselektor yig‘ilishida ilgari surilgan: yoshlarimizga bo‘lgan e’tiborni yanada kuchaytirish, ularni madaniyat, san’at, jismoniy tarbiya va sportga keng jalb etish, yoshlarda axborot texnologiyalaridan foydalanish ko‘nikmalarini shakllantirish, yurtimiz yoshlari o‘rtasida kitobxonlikni targ‘ib qilish, xotin-qizlar bandligini ta’minlashga oid 5 ta muhim tashabbus, O‘zbekiston Respublikasi Vazirlar Mahkamasi, Oliy ta’lim, Fan va Innovatsiyalar vazirligining huquqiy-meyoriy hujjatlari, “Toshkent Amaliy fanlar universitetida faoliyat ko‘rsatayotgan ilmiy, ijodiy to‘garaklarning Nizomi” hamda mazkur Nizom asosida yuritadi.
   
3. 
   To‘garak uzluksiz ta’lim tizimining tarkibiy qismi bo‘lib, ta’limning rivojlantiruvchi vazifasini amalga oshirish bo‘yicha davlat va jamiyatning uzviy hamkorligida ishlab chiqilgan dasturlar va rejalar asosida o‘sib kelayotgan yosh avlodni ruhiy va ma’naviy jihatdan mustaqil hayotga tayyorlash, jamiyatda munosib o‘rin egallashini kafolatlaydigan, real iqtisodiyot tarmoqlari va sohalariga yuqori malakali, mustaqil fikrlaydigan kadrlar tayyorlash bo‘yicha faoliyat yurituvchi hamda ilmiy-ijodiy ishlarni maqsadli hamda tizimli asosda amalga oshiruvchi amaliy va ilmiy-uslubiy ijodiy uyushmasi hisoblanadi.
   
4. 
   To‘garak TAFU Axborot texnologiyalari fakulteti “Kompyuter injiniringi” kafedrasi qoshida tashkil etiladi.